وزبەكستاندا نەكەلەسۋ كورسەتكىشى ازايىپ جاتىر

وزبەكستان ۇلتتىق ستاتيستيكا كوميتەتىنىڭ مالىمەتىنشە، 2021 -جىلى ەلدە 305,2 مىڭ نەكە تىركەلگەن. 2022 -جىلى بۇل كورسەتكىش 296,7 مىڭدى، 2023 -جىلى 283,8 مىڭدى، 2024 -جىلى 271,8 مىڭدى، ال 2025 -جىلى 267,1 مىڭدى قۇرادى.

2026 -جىلدىڭ العاشقى التى ايىندا ەلدە 92,3 مىڭ نەكە قيىلعان.

1991-2025 -جىلدار ارالىعىندا نەكەلەردىڭ ەڭ كوپ سانى 2018 -جىلى تىركەلگەن. سول جىلى 311,4 مىڭ جۇپ نەكەگە تۇرعان.

ال وسى كەزەڭدەگى ەڭ تومەنگى كورسەتكىش 2000 -جىلى تىركەلدى. ول كەزدە وزبەكستاندا 168,9 مىڭ نەكە قيىلعان.

بۇعان دەيىن وتباسى جانە گەندەر عىلىمي-زەرتتەۋ ينستيتۋتى وزبەكستاندا نەكەلەر سانىنىڭ ازايۋىنا اسەر ەتەتىن نەگىزگى فاكتورلاردى انىقتاۋ ءۇشىن زەرتتەۋ جۇرگىزگەن. ولاردىڭ قاتارىندا دەموگرافيالىق وزگەرىستەر، ايەلدەردىڭ ءبىلىم الۋعا جانە مانساپ قۇرۋعا ۇمتىلىسى، ەكونوميكالىق قيىندىقتار، اجىراسۋ سانىنىڭ ءوسۋى، ەڭبەك كوشى-قونى جانە جاستاردىڭ ءومىر سالتىنىڭ وزگەرۋى بار.