18:14, 13 - مامىر 2024 | GMT +6
وزگە ەلدە تۋعان قازاق بوكسشى قارسىلاسىن ءبىرىنشى راۋندتا ەكى رەت قۇلاتتى
استانا. KAZINFORM - قازاقستاندىق بوكسشى امان قونىسبەكوۆ استانادا باستالعان «ەلوردا كۋبوگى» اتتى حالىقارالىق تۋرنيردە وتكىزگەن ءبىرىنشى جەكپە-جەگىندە جەڭىسكە جەتتى.
71 كەلى سالماقتا امان وزگە قازاقستاندىق بوكسشى ازات يمانبەرلىنى ءبىرىنشى راۋندتا-اق ەكى رەت نوكداۋنعا ءتۇسىردى.
قونىسبەكوۆ - وزبەكستاندا دۇنيەگە كەلگەن، الايدا بيىل ول قازاقستان اتىنان ونەر كورسەتەتىن بولىپ شەشتى. امان وزبەكستاننىڭ بىلتىرعى چەمپيوناتىندا قولا جۇلدەگەر اتانعان.
