پويىزداعى جولاۋشىنىڭ ءولىمى: كولىك ءمينيسترى تۇسىنىك بەردى

استانا. KAZINFORM - كولىك ءمينيسترى مارات قارابايەۆ وسكەمەن-الماتى باعىتىنداعى جولاۋشىنىڭ ولىمىنەن سوڭ قازاقستاندا توزعان ۆاگونداردى جاڭارتۋ جۇمىسى قالاي جۇرگىزىلىپ جاتقانىن ايتتى.

ۇكىمەتتىڭ باسپا ءسوز ورتالىعىندا ب ا ق وكىلى «ەلىمىزدەگى جولاۋشىلار تاسىمالىنداعى وزەكتى ماسەلەنىڭ ءبىرى - لاس، اۋاسى تار توزعان ۆاگوندار. بيىل وسكەمەن-الماتى باعىتىنداعى پويىزدا ەر ادام كوز جۇمدى. كۋاگەرلەردىڭ ايتۋىنشا، ۆاگوندا اۋا تار بولعان، كونديتسيونەر دۇرىس جۇمىس ىستەمەگەن. ءسىزدى جاعدايدى دۇرىس ىستەۋ ءۇشىن نە ىستەدىڭىز؟ قاشان ۆاگوندار جولاۋشىلارعا ىڭعايلى بولادى؟» دەپ سۇراق قويدى.

مينيستر كەيبىر ۆاگونداردا كونديتسيونەر جوعىن مويىندادى.

«قازاقستاندا جالپى 2667 ۆاگون بار. سوڭعى بىرنەشە جىلدا 600 ۆاگون قولدانىستان شىعارىلدى، 300 ۆاگون الىندى. وسىنى ەسكەرسەك، بىزدە ۆاگوندار جەتىسپەي جاتىر. وسى 2667 ۆاگون پاركىنىڭ 74 پايىزى، ياعني 1857 ۆاگونىندا كونديتسيونەر بار. وكىنىشكە قاراي پويىزدىڭ 26 پايىزى (كونديتسيونەرمەن) جابدىقتالماعان»، - دەدى ول.

مارات قارابايەۆ جولاۋشىلار ۆاگونى بىرتىندەپ جاڭارتىلاتىنىن ايتتى.

«وتكەن جىلدارى 50-100 ۆاگون ساتىپ الساق، بىلتىر 118 جاڭا ۆاگون ساتىپ الدىق. بيىل قوسىمشا 140 ۆاگون پايدالانۋعا بەرىلەدى، كەلەسى جىلى 224 ۆاگون ساتىپ الىنادى. 2025-جىلدان باستاپ جىل سايىن جالپى 200 دەن اسا ساتىپ ۆاگون پاركىن الامىز. وسىلايشا، الداعى 5 جىلدا 1200 جاڭا ۆاگون ساتىپ الۋدى جوسپارلاپ وتىرمىز. بۇل ەسكى ۆاگونداردى الماستىرۋعا مۇمكىندىك بەرەدى. مينيسترلىك پەن «قازاقستان تەمىر جولى» ۇلتتىق وپەراتور تاراپىنان وسىنداي جۇمىستار ىستەلىپ جاتىر»، - دەدى مينيستر.

ونىڭ سوزىنە سەنسەك، ۆاگوندار تۇراقتى تۇردە تەكسەرىلەدى.

«بيىل 62 مارشرۋت مەملەكەت تاراپىنان سۋبسيديالانسا، ونىڭ ىشىندە 20 مارشرۋتقا ءبىزدىڭ ينسپەكسيا تەكسەرىس جۇرگىزدى. ناتيجەسىندە 200 دەن زاڭبۇزۋشىلىق انىقتالىپ، 10 ميلليون تەڭگە ايىپپۇل سالىندى»، - دەدى مارات قارابايەۆ.