پويىزدا جولاۋشىلاردىڭ بيلەتسىز جۇرۋىنە جول بەرگەن قىزمەتكەرلەر جۇمىستان بوساتىلادى

استانا. قازاقپارات - 2025 -جىلدىڭ ناۋرىز ايىنىڭ سوڭىندا №85/86 «استانا - شىمكەنت» جانە №3/4 «استانا - الماتى» باعىتتارىنداعى پويىزدارعا جۇرگىزىلگەن تەكسەرىس بارىسىندا التى جولاۋشىنىڭ بيلەتسىز جۇرگەنى انىقتالدى.

«جولاۋشىلار تاسىمالى» ا ق باسپا ءسوز قىزمەتىنىڭ حابارلاۋىنشا، قازىرگى ۋاقىتتا اتالعان فاكتىلەرگە بايلانىستى قىزمەتتىك تەكسەرۋلەر جۇرگىزىلىپ جاتىر. ناتيجەسىندە كىنالى پويىز بريگادالارىنىڭ قىزمەتكەرلەرى تارتىپتىك جاۋاپكەرشىلىككە تارتىلىپ، جۇمىستان بوساتىلادى.

جىل باسىنان بەرى بيلەتسىز جولاۋشىلارعا قاتىستى 14 فاكتى تىركەلدى. مۇنداي ىشكى باقىلاۋ شارالارى ۇلتتىق تاسىمالداۋشىنىڭ بارلىق باعىتتارى بويىنشا تۇراقتى نەگىزدە جۇزەگە اسىرىلۋدا.

- ق ت ج ازاماتتاردى بيلەتسىز تاسىمال جانە بيلەتتەردىڭ زاڭسىز قايتا ساتىلۋ جاعدايلارى تۋرالى حابارلاپ، بۇزۋشىلىقتاردىڭ الدىن الۋعا بىرگە ۇلەس قوسۋعا شاقىرادى، - دەلىنگەن حابارلامادا.

سونداي-اق وندا قازاقستان تەمىر جولى بيلەتسىز جولاۋشىلاردى تاسىمالداۋعا جول بەرمەۋگە باعىتتالعان كەشەندى شارالاردى جۇزەگە اسىرىپ كەلەتىنى ايتىلعان.

بۇل رەتتە پويىز بريگادالارى جۇمىسىنىڭ اشىقتىعىن ارتتىرۋ ءۇشىن قوعام بەلسەندىلەرى مەن ماسس- مەديا وكىلدەرىنىڭ قاتىسۋىمەن تۇراقتى ىشكى تەكسەرۋلەر جۇرگىزىپ تۇرادى.