ويىقتاعى توپىراق استىنان كاسكا، اۆتوبۋس سورەسىنىڭ بولىگى جانە راديوستانتسيا تابىلدى

 پاۆلودار. KAZINFORM -تابىلعان زاتتاردى قۇتقارۋشىلار جوعارىعا الىپ شىقتى. ويىق تۇبىندە قۇتقارۋ-ىزدەستىرۋ جۇمىستارى ءالى دە جالعاسۋدا.

مايقايىڭ كەنىشى اۋماعىندا ەكى قۇتقارۋشىمەن جەر استىنا ءتۇسىپ كەتكەن اۆتوبۋستى ىزدەۋ جۇمىستارى ءجۇرىپ جاتقانىنا بۇگىن - 30-كۇن. پاۆلودار وبلىسىنىڭ اكىمى اسايىن بايحانوۆ Telegram-كانالىندا قۇتقارۋشىلارعا تيەسىلى ءبىرقاتار زاتتىڭ تابىلعانىن حابارلادى.

«مايقايىڭالتىن» ا ق كەنىشىندە ىزدەۋ جۇمىستارى جۇرگىزىلگەن جەردە بۇگىن جاڭا بولشەكتەر، ياعني، قۇتقارۋشىنىڭ كاسكاسى، اۆتوبۋستىڭ ىشكى سورەسىنىڭ شاعىن بولىگى جانە قۇتقارۋشىنىڭ «XFERRA» قول راديوستانتسياسى تابىلىپ، جەر بەتىنە كوتەرىلدى»،-دەپ جازدى ءوڭىر باسشىسى.

ەسكە سالا كەتەيىك، بۇعان دەيىن قۇتقارۋشىلار جاساعى شۇڭقىرداعى تاس اراسىنان اۆتوبۋستىڭ قوسالقى دوڭعالاعىن تاۋىپ العان ەدى.