ويىن بيزنەسىن زاڭسىز ۇيىمداستىرعان 5 مىڭنان استام رەسۋرس بۇعاتتالدى

лудомания, азартные игры
Фото: Pixabay

استانا. KAZINFORM - جىل باسىنان بەرى ويىن بيزنەسىن زاڭسىز ۇيىمداستىرعان 5 مىڭنان استام رەسۋرس بۇعاتتالدى.

بۇل تۋرالى اشىق نقا پورتالىنا تالقىلاۋعا شىعارىلعان قازاقستان رەسپۋبليكاسىندا زاڭسىز ويىن بيزنەسى مەن لۋدومانياعا قارسى ءىس- قيمىل بويىنشا 2024-2026 -جىلدارعا ارنالعان كەشەندى جوسپاردا ايتىلعان.

قازىرگى ۋاقىتتا قازاقستان رەسپۋبليكاسىندا ويىن بيزنەسى سالاسىنداعى قىزمەتپەن اينالىسۋعا 28 قولدانىستاعى ليتسەنزيا بار. ونىڭ ىشىندە - 6 كازينو، 9 ويىن اۆتوماتتارى زالى، 12 بۋكمەكەرلىك كەڭسە جانە 1 توتاليزاتور.

«2019 -جىلدان باستاپ مەملەكەتتىك ورگانداردىڭ قىزمەتىندە قازاقستان رەسپۋبليكاسىنىڭ تۋريزم جانە سپورت مينيسترلىگى، قارجى مونيتورينگى اگەنتتىگى، ىشكى ىستەر مينيسترلىگى، باس پروكۋراتۋرا جانە مادەنيەت جانە اقپارات مينيسترلىگى اراسىندا ينتەرنەت-كازينو قىزمەتىنە بايلانىستى انىقتالاتىن زاڭسىز ماتەريالدار بويىنشا اقپارات الماسۋدىڭ جەدەلدىگىن ارتتىرۋ ماقساتىندا «كيبەرنادزور» اقپاراتتىق جۇيەسى (بۇدان ءارى - «كيبەرنادزور» ا ج) پايدالانىلادى. جىل باسىنان بەرى «كيبەرنادزور» ا ج ارقىلى قازاقستان رەسپۋبليكاسى اۋماعىنداعى 5164 ينتەرنەت- رەسۋرس پەن جارناما جانە ينتەرنەت- كازينو مەن ەلەكتروندىق كازينو قىزمەتى بۇعاتتالدى»، - دەلىنگەن قۇجاتتا.

سوڭعى جاڭالىقتار