وپىرىلعان اسفالت، ويلىپ كەتكەن جول: الماتى كوشەلەرى جوندەلىپ جاتىر
الماتى. KAZINFORM - الماتى كوشەلەرى جوندەلىپ جاتىر. بيىل ۇزىندىعى 250 شاقىرىم بولاتىن 274 كوشەگە ورتاشا جوندەۋ جۇمىستارىن جۇرگىزۋ جوسپارانعان بولاتىن.
الماتى اكىمدىگىنىڭ مالىمەتىنشە، مەگاپوليستە ۇزىندىعى 3097 شاقىرىم جول بار. 2023 -جىلى ۇزىندىعى 200 شاقىرىم بولاتىن 175 كوشەدەگى جول جابىنىنا ورتاشا جوندەۋ جۇمىستارى جۇرگىزىلدى.
ورتاشا جوندەۋ كەزىندە جول توسەمدەرىنىڭ توزۋ قاباتى مەن تەگىستىگىن مەرزىمدى قالپىنا كەلتىرۋ، سونداي- اق جەر توسەمىنىڭ، سۋ بۇرۋدىڭ، جاساندى، قورعانىش، نىعايتۋ، رەتتەۋ جانە باسقا دا جول قۇرىلىستارىنىڭ زاقىمدانعان جەرلەرىن تۇزەتۋ، جول توسەمى قيىلىستا جانە وعان جاقىن جەردە كەڭەيتىلەدى نەمەسە تارىلتادى، اۆتوتۇراقتار، ايالداما قالتالارى مەن الاڭدار، تروتۋارلار مەن ۆەلوسيپەد جولى جاسالادى.
«اۋداندىق اكىمدىكتەر اعىمداعى جوندەۋ جۇمىستارىنا وسى جىلدان باستاپ وكىلەتتىكتەردى ورتالىقسىزداندىرۋ اياسىندا تاپسىرىس بەرۋشى. جۇمىس «جول اكتيۆتەرى ساپاسىنىڭ ۇلتتىق ورتالىعى» ش ج ق ر م ك باقىلاۋىمەن جۇرگىزىلەدى. سىناق جانە ساراپتاما ناتيجەسى بويىنشا انىقتالعان اقاۋلار مەن ەسكەرتۋلەردى مەردىگەر ۇيىمدار جويادى»، - دەپ اتاپ ءوتتى اكىمدىكتەن.
1. الاتاۋ اۋدانىندا جوسپارلانعان 30 مىڭ شارشى مەتر جول توسەمىنىڭ بۇگىنگە دەيىن 13 مىڭ شارشى مەتر جوندەلدى. ب. مومىش ۇلى كوشەسى، ف. وڭعارسىنوۆا كوشەسى، شاعان كوشەسى، شامالعان كوشەسى، جانقوجا باتىر كوشەسى، اۋباكىروۆ كوشەسى، تاكەجانوۆ كوشەسى، بەنبەرين كوشەسى، بايتەنوۆ كوشەسى، بەكبولات كوشەسى، جالايىر كوشەسى، شوعان ابىز كوشەسى، ارۋانا كوشەسى، كوكوراي كوشەسى، احمەتوۆ كوشەسى، المەرەك ابىز كوشەسى، شۇعىلا شاعىن اۋدانى، اينالمالى كوشەسى، ورتالىق كوشەسى، قوجابەرگەن جىراۋ كوشەسى، مىڭبۇلاق كوشەسى، ءسادۋاقاسوۆ كوشەسى، اقجولتاي كوشەسى، بارىس كوشەسى اعىمداعى جوندەۋدەن وتەدى. جۇمىس جىل سوڭىنا دەيىن جالعاسادى.
2. المالى اۋدانىندا 25 مىڭ شارشى مەتر جول توسەمىنە اعىمداعى جوندەۋ جۇمىستارى باستالدى. قازىر ونىڭ 23,1 مىڭ شارشى مەترىندە جۇمىس اياقتالدى. اعىمداعى جوندەۋ اياسىندا نازاربايەۆ داڭعىلى، ابىلاي حان داڭعىلى، جەلتوقسان كوشەسى، ناۋرىزباي باتىر كوشەسى، سەيفۋللين داڭعىلى، بايتۇرسىنوۆ كوشەسى، نۇرماقوۆ كوشەسى، ايتيەۆ كوشەسى، يسايەۆ كوشەسى، جامبىل كوشەسى، بوگەنباي باتىر كوشەسى، رايىمبەك داڭعىلى، ۆەرەشاگين كوشەسى، قاراوتكەل كوشەسى، ماقاتايەۆ كوشەسى، بيوكومبيناتسكايا كوشەسى، گوگول كوشەسى، تورەقۇلوۆ كوشەسى جانە ت. ب. كوشەدە جول اقاۋلارى جويىلدى.
3. اۋەزوۆ اۋدانىندا جالپى قالالىق جانە اۋلاىشىلىك اۋماقتاردا جوسپارلانعان 50 مىڭ شارشى مەتر جولدىڭ 3 مىڭ شارشى مەترىنەن استامىنا اعىمداعى جوندەۋ جۇرگىزىلدى. جۇمىس كەپىلدىك مىندەتتەمەلەر اياسىندا جۇرگىزىلەدى. جاندوسوۆ كوشەسى، التىنسارين داڭعىلى، قابدولوۆ كوشەسى، سايىن كوشەسى، اباي داڭعىلى، قۋانىشبايەۆ كوشەسى، ب. مومىش ۇلى كوشەسى، جۇبانوۆ كوشەسى، شايمەردەنوۆ كوشەسى، رايىمبەك داڭعىلى، وتەگەن باتىر كوشەسى جانە ت. ب. كوشەلەردەگى جول اعىمداعى جوندەۋدەن ءوتتى. جولداردى اعىمداعى جوندەۋ جۇمىستارى جالعاسىپ جاتىر، ولار اۋداننىڭ تۇراقتى باقىلاۋىندا.
4. بوستاندىق اۋدانىن دا قالپىنا كەلتىرۋ جوسپارلانعان 30 مىڭ شارشى مەتر جول توسەمىنىڭ 16,7 مىڭ شارشى مەترى جوندەلدى. قازىر ارايلى، سەنترالنايا، سالىقوۆ، اسقاروۆ، وتەپوۆ، ەگىزبايەۆ، تيميريازيەۆ، جاندوسوۆ، جاروكوۆ، ماسانشى، دۋلاتي، عابدۋللين كوشەلەرى، بۇقار جىراۋ بۋلۆارى، قاراتايەۆ، قوجانوۆ، مىڭبايەۆ، ماناس، مۇستافا وزتۇرىك، اۋەزوۆ كوشەلەرى، گاگارين داڭعىلى، ۆوستوچنايا، جاڭگىر حان كوشەلەرى جانە حاميت ەرعالي جاعالاۋى بويىنشا 25 كوشەدە جوندەۋ جۇمىستارى جۇرگىزىلدى. اۋداندا بارلىعى 100 گە جۋىق كوشە اعىمداعى جوندەۋدەن وتەدى.
5. جەتىسۋ اۋدانىندا 35 مىڭ شارشى مەتر جولعا ارنالعان جول جابىنىنا اعىمداعى جوندەۋ جۇمىستارى باستالدى. قازىر قازىبايەۆ كوشەسى، راتۋشنىي كوشەسى، پاۆلودار كوشەسى، رايىمبەك داڭعىلى، رىسقۇلوۆ داڭعىلى، ءسۇيىنباي داڭعىلى، ابىلاي حان داڭعىلى، جانگەلدين كوشەسى، جانسۇگىروۆ كوشەسى، سەيفۋللين داڭعىلى، جۇمابايەۆ كوشەسى، مۇقاتاي كوشەسى، سەلسكايا كوشەسى، پەرۆومايسكايا مۇناي بازاسى، كۇدەرين كوشەسى، كازاكوۆ كوشەسى جانە ت. ب. كوشەدە 3,7 مىڭ شارشى مەتر جول توسەمى توسەلدى. جولداردى اعىمداعى جوندەۋ جۇمىستارى جالعاسىپ وتىر.
6. مەدەۋ اۋدانىندا دوستىق داڭعىلى، نازاربايەۆ داڭعىلى، جىبەك جولى داڭعىلى، گوگول، ماقاتايەۆ، قاراساي باتىر، بوگەنباي باتىر، جاماقايەۆ، مامەتوۆا كوشەلەرى، دۋمان-2 جانە سامال-1، 2 شاعىن اۋدانىنداعى 7,5 مىڭ شارشى مەتردەن استام جول جوندەلدى. بارلىعى 50 مىڭ شارشى مەتر جول توسەمى جوندەلەدى.
7. ناۋرىزباي اۋدانىندا جاندوسوۆ كوشەسى (جوعارعى تاس جول)، داۋلەتكەرەي، ءابدىلدين، رەدكو، سەيىتبەكوۆ، قارامانوۆ، گرۋشوۆايا، نوۆايا، گروزا، تاجيەۆ، قالي ءنادىروۆ، سەيدىمبەك، التىن وردا، شايمەردەنوۆ، كەنەسارى حان، قونايەۆ، ءۇشقوڭىر، جاندوسوۆ، سۇرانشى باتىر، جانسۇگىروۆ، زەلەنايا، كەنەسارى حان، سابدەنوۆ، قىدىربەكوۆ، ىزگىلىك، ۆينوگرادنايا، سترويتەلنايا، ارمان كوشەلەرى جانە ت. ب. اۋماقتاعى 35 مىڭ شارشى مەتردەن استام جول اعىمداعى جوندەۋدەن وتەدى. اۋداندا شۇڭقىرلاردى، ويىقتاردى، جارىقتاردى جوندەۋ، باقىلاۋ قۇدىقتارىنىڭ ليۋكتەرىن تۇزەتۋ جانە جيەكتاستاردى تەگىستەۋ بويىنشا بارلىعى 45 مىڭ شارشى مەتر جول توسەمىن قامتۋ جوسپارلانعان.
8. تۇركسىب اۋدانىندا بۇگىندە الماتى-1 تەمىرجول ۆوكزالى اۋدانىندا كراسنوگورسكايا، كوتەلنيكوۆ، بۇقتىرما، گەتە، مولداعاليەۆ، كاسسين كوشەلەرىندە 4 مىڭ شارشى مەتردەن استام جول توسەمى جوندەلدى. بارلىعى 30 مىڭ شارشى مەترگە جول جابىنىن جوندەۋ جوسپارلانىپ وتىر.
«مەگاپوليس حالقىنا ىڭعايلى بولۋ ءۇشىن جول ينفراقۇرىلىمىنا ارنالعان Telegram ارنادا @AlmatyJolybot چات- بوتى ىسكە قوسىلدى. ول ارقىلى تۇرعىندار قالا جولىنداعى شۇڭقىرلاردى جوندەۋگە ءوتىنىش بەرە الادى. بۇعان قوسا، شۇڭقىرلار، ويىقتار، سونداي-اق جول توسەمىنىڭ زاقىمدانۋى انىقتالعان جاعدايدا اۋدان اكىمدىكتەرىنىڭ تەلەگرام چاتتارى ارقىلى جۇگىنۋگە بولادى»، - دەپ حابارلادى اكىمدىكتەن.
