«ەوۆين» داۋىلى: ۇلى بريتانيادا قاۋىپتىڭ قىزىل دەڭگەيى جاريالاندى
استانا. KAZINFORM - تورنادو قاۋپىنە بايلانىستى ۇلىبريتانيانىڭ ءبىرقاتار وڭىرىندە سيرەك قىزىل دابىل بەلگىسى جاريالاندى، دەپ حابارلادى Sky News.

وسىعان بايلانىستى مىڭداعان مەكتەپ جابىلادى دەپ جوسپارلانعان. سونىمەن قاتار جۇرگىزۋشىلەرگە جولعا شىقپاۋ تۋرالى ەسكەرتۋ جاسالىپ، پويىزدار قوزعالىسى توقتاتىلدى.
«ەوۆين» داۋىلى جۇما كۇنى تاڭعى ساعات 7.00 دەن 14.00 گە دەيىن سولتۇستىك يرلانديادا، ال شوتلانديانىڭ كەي جەرلەرىندە ساعات 10.00 دەن 17.00 گە دەيىن سوعۋى مۇمكىن. مەتەورولوگتار «وتە قاۋىپتى جاعداي» تۋرالى ەسكەرتتى.
قىزىل دابىل دەڭگەيى مەتەورولوگيالىق بيۋرونىڭ ەڭ ماڭىزدى ەسكەرتۋى بولىپ سانالادى. سونىمەن قاتار اۋا رايى «پويىزداردا، ەنەرگيامەن قامتاماسىز ەتۋدە ەلەۋلى بۇزۋشىلىقتار تۋدىرۋى مۇمكىن جانە مۇلىك پەن ينفراقۇرىلىمعا اۋقىمدى زيان كەلتىرۋى مۇمكىن» دەگەندى بىلدىرەدى.
جاراقات الۋ مەن ومىرگە قاۋىپ تونگەندىكتەن، سارى ەسكەرتۋلەر قاتارى دا ەنگىزىلدى.
قىتايدا تورنادو كەزىندە بەس ادام قايتىس بولعانىن جازعان بولاتىنبىز.