وتىز جاسىندا قازاقستاننىڭ ەڭبەك سىڭىرگەن ءارتىسى اتانعان ءانشى

Қапаш Қабыкенқызы Құлыш
فوتو: altynqor.com

استانا. قازاقپارات - قاپاش قابىكەن قىزى قۇلىشەۆا قازاقتىڭ داڭقتى ءانشى قىزى. بۇگىن قازاقستاننىڭ حالىق ءارتىسى تۋرالى دەرەكتەردى ۇسىنامىز. 

قاپاش قابىكەن قىزى 1949 -جىلى 9-مامىردا دۇنيەگە كەلگەن. ول اقمولا وبلىسى، زەرەندى اۋدانى، دوڭگىلاعاش اۋىلىندا تۋعان.

العاشقى دومبىرا ساباقتارىن كوركەم ونەرپازدار ۇيىرمەسىنىڭ جەتەكشىسى، ۇكىلى ىبىرايدىڭ نەمەرەسى مۇسا اسايىنوۆتان الدى. 1967 -جىلى رەسپۋبليكالىق ەسترادا-سيرك ستۋدياسىنا قازاقستاننىڭ حالىق ءارتىسى عاريفوللا قۇرمانعاليەۆتىڭ سىنىبىنا وقۋعا ءتۇسىپ، 1969 -جىلى ءتامامدايدى. ول 1969 -جىلى رەسپۋبليكالىق «گۇلدەر» جاستار-ەسترادالىق انسامبلىنىڭ جەتەكشى سوليسى بولدى.

د. قونايەۆتىڭ ءوزى باستاپ بارعان كۋبا استاناسى گاۆانادا وتكەن XI جاستار جانە ستۋدەنتتەر فەستيۆالىنىڭ حالىقارالىق بايقاۋىندا قاپاش قۇلىشەۆانىڭ سالعان انىنە، سۇلۋ داۋىسىنا فيدەل كاسترونىڭ ءوزى قولىن ءسۇيىپ، ريزاشىلىعىن بىلدىرگەن.

قاپاش قۇلىشيەۆا 30 جاسىندا قازاقستاننىڭ ەڭبەك سىڭىرگەن ءارتىسى اتاندى.

جولداسى - ەركىن سلەتدينوۆ، قازاقتان شىققان تۇڭعىش ساكسافونيست، كومپوزيتور ەدى. ەكى تالانتتى تۇلعانىڭ 2 قىزى بولدى.

 

Bugin.kz 

سوڭعى جاڭالىقتار