وڭتۇستىكتەن سولتۇستىككە قونىس اۋدارۋ: 12 مىڭعا جۋىق بوس جۇمىس ورنى بار

تۇركىستان. KAZINFORM - وڭىردە «قونىس اۋدارۋ» جارمەڭكەسى باستالدى. 

«قونىس اۋدارۋ» جارمەڭكەسى حالىق تىعىز ورنالاسقان سارىاعاش، سايرام اۋداندارى مەن تۇركىستان قالاسىندا ءوتىپ جاتىر. ءىس-شاراعا اباي، قاراعاندى، پاۆلودار، سولتۇستىك قازاقستان، ۇلىتاۋ، شىعىس قازاقستان وبلىستارىنان جالپى 73 وكىل قاتىسىپ وتىر. اتالعان جارمەڭكەگە 6 ءوڭىر بويىنشا بارلىعى 11657 بوس جۇمىس ورنى ۇسىنىلعان. ونىڭ ىشىندە سولتۇستىك قازاقستان وبلىسى - 1246، اباي وبلىسى - 1279، شىعىس قازاقستان وبلىسى - 2393، پاۆلودار وبلىسى - 3464، ۇلىتاۋ وبلىسى - 523، قاراعاندى وبلىسى بويىنشا 2752 بوس جۇمىس ورنى بار.

فوتو: تۇركىستان وبلىسى اكىمدىگى

ايتا كەتەيىك، 2015 -جىلدان بەرى تۇركىستان وبلىسىنان ەلىمىزدىڭ جۇمىس كۇشى جەتىسپەيتىن سولتۇستىك وڭىرلەرگە حالىقتى قونىستاندىرۋ جۇمىستارى جۇرگىزىلىپ جاتىر. ناتيجەسىندە، 2015-2023 -جىلدار ارالىعىندا وڭىردەن 13758 ادام قونىس اۋدارعان.

اۆتور
قايرات زاينيشەۆ