وڭتۇستىك وڭىرلەر بيۋدجەت قاراجاتىن ۇلكەن سومادا ۇرلاعان

استانا. KAZINFORM - سىبايلاس جەمقورلىققا قارسى ءىس- قيمىل اگەنتتىگىنىڭ رەسمي وكىلى دانيار بيگايداروۆ ءبىلىم بەرۋ سالاسىندا بيۋدجەت قاراجاتىن ەڭ ۇلكەن سومادا ۇرلاعان وڭىرلەر ءتىزىمىن جاريا ەتتى.

ونىڭ دەرەگىنشە، 2023 -جىلدىڭ باسىنان باستاپ ءبىلىم بەرۋ سالاسىندا بارلىعى 297 قىلمىستىق ءىس جۇرگىزىلگەن. بۇل رەتتە ءبىلىم بەرۋ سالاسى قىزمەتكەرلەرىنىڭ جەتىسۋ وبلىسىندا - 6,2 ميلليارد تەڭگە، تۇركىستان وبلىسىندا - 4,5 ميلليارد تەڭگە، قىزىلوردا وبلىسىندا - 1,4 ميلليارد تەڭگە، الماتى وبلىسىندا - 1,3 ميلليارد تەڭگە، جامبىل وبلىسىندا - 592,2 ميلليون تەڭگە، الماتى قالاسىندا — 552,5 ميلليون تەڭگە)، اقتوبە وبلىسىندا 513,7 ميلليون تەڭگە بيۋدجەت قۇجاتىن ۇرلاعانى انىقتالعان.

«قىلمىس جاساعانى ءۇشىن 406 ادام اشكەرەلەنىپ، ونىڭ ىشىندە 196 ادام ءتۇرلى جازالاۋ شارالارىنا سوتتالدى. ماسەلەن، شىعىس قازاقستان وبلىستىق سىبايلاس جەمقورلىققا قارسى قىزمەتى ج. جابايەۆ اتىنداعى وبلىستىق مامانداندىرىلعان مەكتەپ- ينتەرنات گيمنازياسىنىڭ ەكى بۋحگالتەرىنە قاتىستى قىلمىستىق ءىس تەرگەپ جاتىر. ولار الدىن الا ءسوز بايلاسۋ ارقىلى قىلمىستىق توپ قۇرامىندا 5  جىل بويى ءوزىنىڭ كارتوچكالىق شوتتارىنا اسىرا جالاقىنى جانە باسقا دا تولەمدەردى اۋدارۋ جولىمەن 120 ميلليون تەڭگە بيۋدجەت قاراجاتىن ۇرلادى دەگەن كۇدىككە ءىلىندى. تەرگەۋ جالعاسۋدا» ، - دەدى دانيار بەگايداروۆ.