وڭتۇستىك كورەيانىڭ بۇرىنعى پرەزيدەنتى ءىستى بولدى

استانا. KAZINFORM - وڭتۇستىك كورەيانىڭ جەرگىلىكتى پروكۋراتۋراسى ەلدىڭ بۇرىنعى پرەزيدەنتى مۋن جە يندى پارا الدى دەگەن كۇدىكپەن سوتقا بەردى.

Yonhap اگەنتتىگىنىڭ حابارلاۋىنشا، 24-ءساۋىر كۇنى چونجۋ قالاسىنىڭ ايماقتىق پروكۋراتۋراسى مۋن جە يندى «ارنايى قىلمىستارعا قاتاڭ جازا قولدانۋ تۋرالى» زاڭدى (پاراقورلىق بابى) بۇزدى دەپ ايىپتاپ، سوتقا بەردى.

سونىمەن بىرگە، پروكۋراتۋرا بۇرىنعى دەپۋتات، Eastar Jet اۋە كومپانياسىنىڭ نەگىزىن قالاۋشى لي سان جيكتى پارا بەرۋ جانە قىزمەتتىك تاپسىرماعا سالعىرت قاراۋ كۇدىگىمەن سوتقا بەردى. دەگەنمەن ەكس‑پرەزيدەنتتىڭ قىزى مەن كۇيەۋ بالاسىنا قاتىستى مەملەكەتتىك ايىپتاۋ ازىرگە كەيىنگە قالدىرىلدى.

تەرگەۋ دەرەگىنە سايكەس، لي سان جيك شاعىن جانە ورتا بيزنەس كورپوراتسياسىنىڭ باسقارما ءتوراعاسى بولىپ تۇرعاندا، اتاپ ايتقاندا، 2018 -جىلدىڭ ناۋرىز ايىندا مۋن جە يننىڭ كۇيەۋ بالاسى Eastar Jet-تىڭ تايلاندتاعى ەنشىلەس كومپانياسىنا باسقارما مۇشەسى رەتىندە جۇمىسقا الىنعان. پروكۋراتۋرا وسى ءىس بويىنشا تەكسەرىس جۇرگىزىپ جاتىر.

بۇعان دەيىن كورەيا بيلىگىنىڭ كەزەكتەن تىس پرەزيدەنتتىك سايلاۋدى 3-ماۋسىمعا بەلگىلەۋدى جوسپارلاپ وتىرعانىن جازعان ەدىك.

اۆتور

ەرلان مازان