وڭتۇستىك كورەياداعى شەتەلدىك جۇمىسشىلاردىڭ سانى العاش رەت ميلليوننان استى
استانا. KAZINFORM - وڭتۇستىك كورەيادا جۇمىس ىستەيتىن شەتەل ازاماتتارىنىڭ سانى رەكوردتىق كورسەتكىشكە جەتىپ، العاش رەت 1 ميلليوننان استى، دەپ حابارلايدى Yonhap.
كورەيا ستاتيستيكاسىنىڭ مالىمەتىنشە، مامىر ايىنداعى جاعداي بويىنشا ەلدە تۇراتىن 15 جانە ودان جوعارى جاستاعى 1,56 ميلليون شەتەلدىكتىڭ 1,01 ميلليونى نەمەسە 64,7 پايىزى جۇمىسقا ورنالاسقان.
بۇل كورسەتكىش وتكەن جىلمەن سالىستىرعاندا 87 مىڭ ادامعا نەمەسە 0,2 پايىزعا ارتقان.
شەتەلدىك جۇمىسشىلاردىڭ %73,2 ى 50 ادامنان از قىزمەتكەرى بار كومپانيالاردا جۇمىس ىستەسە، تاعى %24,1 ى 50 دەن 299 عا دەيىنگى قىزمەتكەرى بار كومپانيالاردا جۇمىس ىستەگەن. نەبارى 2,7 پايىزى 300 دەن استام قىزمەتكەرى بار ءىرى كومپانيالاردا جۇمىس ىستەگەن.
كورەيادا 2012 -جىلدان باستاپ جۇرگىزىلگەن ستاتيستيكا بويىنشا 2012 -جىلى شەتەلدىك قىزمەتكەرلەردىڭ 79,1 پايىزى شاعىن كاسىپورىنداردا جۇمىس ىستەسە، 3,4 پايىزى ءىرى كورپوراتسيالاردا جۇمىس ىستەگەن. بۇل كورسەتكىش سوڭعى ونجىلدىقتا ايتارلىقتاي وزگەرمەگەن.
مالىمەتتەر كورسەتكەندەي، وڭتۇستىك كورەياداعى بارلىق شەتەلدىكتەردىڭ شامامەن %51,2 اي سايىن 2 ميلليوننان 3 ميلليون ۆونعا (1,392 - 2,089 دوللار) دەيىن، ال %37,1 ى 3 ميلليون ۆون تابىس تاپقان.
ايتا كەتەيىك، ق ر ەڭبەك جانە حالىقتى الەۋمەتتىك قورعاۋ مينيسترىلىگى وڭتۇستىك كورەيادا قازاقستان ازاماتتارىنىڭ زاڭدى جۇمىس ىستەۋى ءۇشىن قانداي ءىس-شارالار اتقارىلىپ جاتقىنىنا تۇسىنىك بەرگەن بولاتىن.
