وڭتۇستىك كورەيادا ۇشاق شاسسي اقاۋىنا بايلانىستى اۋەجايعا ورالدى

استانا. KAZINFORM - بۇعان دەيىن ءدال وسىنداي اقاۋ وسى ۇلگىدەگى تاعى ءبىر ۇشاقتىڭ اپاتقا ۇشىراۋىنا اكەلگەن، دەپ حابارلايدى اگەنتتىك Yonhap اقپارات اگەنتتىگىنە سىلتەمە جاساپ.

30-جەلتوقساندا جەرگىلىكتى ۋاقىت بويىنشا ساعات 06:37 دە كيمپحو حالىقارالىق اۋەجايىنان (Gimpo) چەدجۋ قالاسىنا باعىت العان Jeju Air ۇشاعى اسپانعا كوتەرىلدى.

كوپ ۇزاماي اقاۋ بارى بايقالعان. اۋە كومپانياسى بىردەن جولاۋشىلارعا اقاۋ تۋرالى حابارلاپ، ۇشاق 07:25 تە كيمپحو اۋەجايىنا قايتا قونۋعا ءماجبۇر بولدى.

جولاۋشىلار ءدال وسىنداي ۇلگىدەگى باسقا Boeing B737-800 ۇشاعىنا وتىرعىزىلدى. الايدا 21 جولاۋشى قاۋىپسىزدىككە بايلانىستى بورتقا مىنبەيمىز دەپ شەشىمىن قابىلداعان.

Jeju Air اقپاراتىنشا، ۇشقىش شاسسي اقاۋىن انىقتاعاننان كەيىن باسقارۋ ورتالىعىنا حابارلاسقان.

حابارلانعانداي، قوسىمشا تەكسەرۋلەردەن كەيىن شاسسيدىڭ دۇرىس جۇمىس ىستەپ تۇرعانى راستالدى، ءبىراق كاپيتان تەكسەرۋ ءۇشىن اۋەجايعا ورالۋدى ۇيعاردى.

ەسكە سالا كەتسەك، بۇعان دەيىن مۋان حالىقارالىق اۋەجايىندا Jeju Air ۇشاعى اپاتقا ۇشىراپ، 177 ادام قازا تاپتى.

Jeju Air ۇشاعى جەكسەنبى كۇنى تاڭەرتەڭ ۇشۋ-قونۋ جولاعىنان شىعىپ كەتىپ، مۋان حالىقارالىق اۋەجايىنا شۇعىل قونۋعا ارەكەتتەندى. ۇشاق قورشاۋعا سوعىلىپ، ايتارلىقتاي شىعىن كەلتىرىپ، كەيىن ءورت شىعىپ، ءسوندىرىلدى.