وڭتۇستىك كورەيادا ەڭ اۋىر ۇشاق اپاتىنان كەيىن بارلىق Boeing 737-80 تەكسەرىلەدى
استانا. KAZINFORM — وڭتۇستىك كورەيانىڭ جەر، ينفراقۇرىلىم جانە كولىك مينيسترلىگى مۋان اۋەجايىندا Jeju Air لاينەرىنىڭ اپاتقا ۇشىراۋىنان كەيىن ەلدەگى بارلىق Boeing 737-800 ۇشاعىن تەكسەرەدى. بۇل تۋرالى Kazinform Oxu.Az-عا سىلتەمە جاساپ حابارلايدى.
بۇل مودەلدى كوپتەگەن ۇلتتىق ارزان تاسىمالداۋشىلار (LCCs) پايدالانادى، Jeju Air وسى ۇشاقتاردىڭ كوپشىلىگىنە يە — 41 ءدىڭ 39 ى. T’way Air ،Jin Air ،Eastar Jet ،Air Incheon جانە Korean Air لوۋكوستەرلەرىنىڭ Boeing ءتىڭ بارلىعى 62 ۇشاعى بار.
— ءبىز ۇشۋ الدىندا جانە ودان كەيىن پايدالانۋ جانە تەحنيكالىق قىزمەت كورسەتۋ قارقىندىلىعىنا بايلانىستى ءارتۇرلى ەرەجەلەردىڭ قالاي ساقتالاتىنىن تەكسەرەتىن بولامىز، — دەدى مينيسترلىك وكىلى.
سونداي-اق، سالىنىپ جاتقان جاڭا اۋەجايدىڭ جوباسىن باعالاۋ كەزىندە بيلىك اۋە كەمەلەرىنىڭ قۇستارمەن سوقتىعىسۋ ءقاۋپىن قالاي ازايتۋعا بولاتىنىن «مۇقيات زەرتتەيدى». قۇستىڭ قوزعالتقىشقا ءتۇسىپ كەتۋى مۋان اپاتىنا اكەلگەن وقيعالار تىزبەگىن باستاۋى مۇمكىن، دەپ بولجادى Yonhap-قا سۇحبات بەرگەن ساراپشىلار. بۇل رەتتە كەيبىر ساراپشى ۇشاقتىڭ قۇستار توبىنا سوقتىعىسقانى تۋرالى حابار جاۋاپتان گورى كوپ سۇراقتار تۋدىرادى دەپ سانايدى.
— وسى كەزدە جاۋاپتاردان گورى كوپتەگەن سۇراقتار الدەقايدا كوپ. ۇشاق نەگە سونشا جىلدام ۇشتى؟ نەلىكتەن قاقپاقشالارى اشىلمادى؟ نەلىكتەن شاسسي تومەن تۇسىرىلمەگەن؟، — دەپ سۇرادى يتاليا اسكەري-اۋە كۇشتەرى اكادەمياسىنىڭ بۇرىنعى وقىتۋشىسى گرەگوري الەگي.
ەسكە سالساق، وڭتۇستىك كورەيانىڭ مۋان حالىقارالىق اۋەجايىندا بورتىندا 181 ادامى بار جولاۋشىلار ۇشاعى اپاتقا ۇشىرادى.
كەيىننەن 181 ادامنىڭ 179 ى مەرت بولعانى انىقتالدى.
وڭتۇستىك كورەيادا ۇشاق اپاتىنا بايلانىستى ازا تۇتۋ اپتالىعى جاريالاندى.
