وڭتۇستىك كورەيادا اپاتقا ۇشىراعان ۇشاقتىڭ «قارا جاشىگىنەن» دەرەكتەر الىندى

استانا. قازاقپارات – 29-جەلتوقساندا وڭتۇستىك كورەيانىڭ مۋان اۋەجايىندا Jeju Air ۇشاعى اپاتقا ۇشىرادى، دەپ حابارلايدى Kazinform ءتىلشىسى The Hankyoreh باسىلىمىنا سىلتەمە جاساپ.

— ۇشاق كابيناسىنداعى دىبىس جازعىشتان دەرەكتەردى الۋ اياقتالدى. بۇگىن ولاردى دىبىستىق فايلدارعا تۇرلەندىرۋ جۇمىستارى باستالدى. ءبىز بۇل پروتسەستى تەزىرەك اياقتاۋدى جوسپارلاپ وتىرمىز، - دەدى 1-قاڭتاردا وتكەن بريفينگتە وڭتۇستىك كورەيا كولىك مينيسترلىگىنىڭ ازاماتتىق اۆياتسيا دەپارتامەنتىنىڭ ديرەكتورى چجۋ چون ۆان.

جولاۋشىلار ۇشاعى اپاتىنىڭ ەگجەي-تەگجەيلەرىن انىقتاۋ تالداۋ جۇمىستارى اياقتالعاننان كەيىن مۇمكىن بولادى.

ساراپشىلار سونىمەن قاتار وزدىگىنەن جازاتىن ەكىنشى قۇرالدىڭ زاقىمدانۋى وندا جازىلعان دەرەكتەردىڭ ساقتالۋىنا اسەر ەتپەگەنىن انىقتادى.

ەسكە سالا كەتسەك، بۇعان دەيىن مۋان حالىقارالىق اۋەجايىندا Jeju Air ۇشاعى اپاتقا ۇشىراپ، 177 ادام قازا تاپتى.

Jeju Air ۇشاعى جەكسەنبى كۇنى تاڭەرتەڭ ۇشۋ-قونۋ جولاعىنان شىعىپ كەتىپ، مۋان حالىقارالىق اۋەجايىنا شۇعىل قونۋعا ارەكەتتەندى. ۇشاق قورشاۋعا سوعىلىپ، ايتارلىقتاي شىعىن كەلتىرىپ، كەيىن ءورت شىعىپ، ءسوندىرىلدى.