وڭتۇستىك كورەيادا اپاتقا ۇشىراعان ۇشاق قوزعالتقىشتارىنان قۇس قاۋىرسىندارى مەن قانى انىقتالدى — ب ا ق

استانا. KAZINFORM - وتكەن وڭتۇستىك كورەيانىڭ مۋان حالىقارالىق اۋەجايىندا بورتىندا 181 ادامى بار جولاۋشىلار ۇشاعى اپاتقا ۇشىرادى، دەپ حابارلايدى Reuters.

Оңтүстік Кореяда апатқа ұшыраған ұшақ қозғалтқыштарынан құс қауырсындары мен қаны анықталды — БАҚ
Фото: Yonhap

تايلاند استاناسى بانگكوكتان وڭتۇستىك كورەيانىڭ وڭتۇستىك-باتىسىنداعى مۋان ۋەزىنە ۇشىپ بارا جاتقان Boeing 737-800 ۇشاعى ۇشىپ-قونۋ جولاعىنان شىعىپ كەتىپ، قورشاۋمەن سوقتىعىسقاننان كەيىن ورتەنىپ كەتتى.

وڭتۇستىك كورەياداعى ەڭ اۋىر اۋە اپاتىنان ۇشاقتىڭ ارتقى بولىگىندەگى ەكى ەكيپاج مۇشەسى عانا امان قالدى. بورتتا 181 ادام، ونىڭ ىشىندە التى ەكيپاج مۇشەسى بولعان. ەكى تايلاند ازاماتىن قوسپاعاندا، جولاۋشىلاردىڭ كوپشىلىگى وڭتۇستىك كورەيا ازاماتتارى بولدى.

قايعىلى وقيعادان ءتورت مينۋت بۇرىن ۇشقىشتاردىڭ ءبىرى قۇستارمەن سوقتىعىسقانىن حابارلادى. سودان كەيىن اينالىپ وتۋگە ارەكەتتەنىپ، ۇشۋ-قونۋ جولاعىنىڭ قاراما-قارسى شەتىنە قوندى، دەپ حابارلادى وڭتۇستىك كورەيا بيلىگى.

ۇشقىش mayday-گە اپات بەلگىسىن بەرگەنگە دەيىن ەكى مينۋت بۇرىن ديسپەتچەرلىك مۇنارا ەكيپاجعا اۋەجاي ايماعىندا قۇستاردىڭ بەلسەندىلىگى تۋرالى ەسكەرتتى.

وسى ايدا تەرگەۋشىلەر قوزعالتقىشتاردىڭ بىرىنەن قۇس قاۋىرسىندارى انىقتالعانىن ايتتى. بەينەجازبادا قوزعالتقىشقا قۇستىڭ كىرىپ كەتكەنى كورىنىپ تۇر، دەپ قوستى ولار. وڭتۇستىك كورەيانىڭ كولىك مينيسترلىگى ەكى قوزعالتقىشتا دا قۇس قاۋىرسىنى مەن قانى تۋرالى اقپاراتقا تۇسىنىكتەمە بەرۋدەن باس تارتتى.

وڭتۇستىك كورەيادا 179 ادامنىڭ ءومىرىن قيعان Jeju Air كومپانياسىنىڭ Boeing 737 ۇشاعىنىڭ اپاتى ۇشۋ-قونۋ جولاعىنان تىس جەردە بولۋى ءتيىس ەمەس بەتون توسقاۋىلدىڭ سالدارىنان بولعان. مۇنداي پىكىردى بريتاندىق ۇشۋ قاۋىپسىزدىگى ساراپشىسى دەۆيد لەرمونت ءبىلدىردى.

كورەيالىق Boeing-تىڭ جازۋ قۇرىلعىلارى اپاتقا 4 مينۋت قالعاندا توقتاپ قالعانى تۋرالى جازعان بولاتىنبىز.

سوڭعى جاڭالىقتار