وڭتۇستىك كورەيا وزبەكستاندىق ەڭبەك ميگرانتتارىنا شەكتەۋ قويمايدى

تاشكەنت. KAZINFORM - الەۋمەتتىك جەلىدە وڭتۇستىك كورەيا وزبەكستاندىق ەڭبەك ميگرانتتارىنا شەكتەۋ ەنگىزگەنى جايلى اقپارات تارادى، دەپ حابارلايدى Kazinform اگەنتتىگى ءو ز ا- عا سىلتەمە جاساپ.

Оңтүстік Корея өзбекстандық еңбек мигранттарына шектеу қоймайды
Фото: ӨзА

وسى ماسەلەنىڭ انىق-قانىعىن انىقتاۋ ماقساتىندا وزبەكستان رەسپۋبليكاسى سىرتقى ەڭبەك ميگراتسياسى اگەنتتىگىنىڭ باسپا ءسوز قىزمەتىنىڭ جەتەكشىسى جاموليددين كالانداروۆ مىنانى ايتتى.

- قازىرگى ۋاقىتتا وڭتۇستىك كورەياداعى ەكونوميكالىق وزگەرىستەرگە بايلانىستى وتانداستارىمىزدىڭ جۇمىستان سەبەپسىز كەتىپ قالۋ فاكتىلەرى كوپتەپ تىركەلۋدە. وكىنىشكە قاراي ءبىر ادامنىڭ قاتەلىگى كوپتەگەن ادامعا تەرىس اسەر ەتۋى مۇمكىن. ناتيجەسىندە ەڭبەك ميگرانتتارىنا بولىنەتىن كۆوتالار ازايادى، - دەدى ول.

انىقتاما ءۇشىن ايتا كەتەيىك، قازىر وڭتۇستىك كورەيادا زاڭسىز جۇرگەن وزبەكستان ازاماتتارىنىڭ سانى 9,6 پايىزدى قۇرايدى. بۇل كورسەتكىش 10 پايىزعا جەتسە، ەل وزبەكستانمەن ميگراتسيالىق قارىم-قاتىناسىن قايتا قاراۋى مۇمكىن.

راسىندا دا 2024 -جىلى 3080 وزبەكستان ازاماتى وڭتۇستىك كورەياعا E-9 ۆيزاسىمەن جۇمىس ىستەۋگە جىبەرىلگەن، بۇل 2023 -جىلمەن سالىستىرعاندا ايتارلىقتاي از.

بۇل جاعداي تەك وزبەكستاندىقتارعا قاتىستى ەمەس، باسقا ەلدەردەن كەلگەندەر ءۇشىن دە وسىنداي شارالار قولعا الىنىپ جاتقانى اتاپ ءوتىلدى. ماسەلەن نەپالدىڭ بۇل ەلگە جىبەرگەن ميگرانتتار سانى ءبىر جىلدا 19758 ادامنان 7081 ادامعا دەيىن ازايعان.

ايتا كەتەيىك، جالعاسىپ جاتقان ەكونوميكالىق داعدارىسقا بايلانىستى كورەيادا كوپتەگەن كومپانيا ءوزىن بانكروت دەپ جاريالاپ جاتىر. وسىعان سۇيەنە وتىرىپ، اگەنتتىك ماماندارى اتالعان ەلدە جۇمىس ىستەيتىن وزبەكستاندىقتاردى ەڭبەك ءتارتىبىن ساقتاۋعا، كەلىسىمشارتتا كورسەتىلگەن تالاپتاردى تولىق ورىنداۋعا، زاڭدى بۇزباۋعا شاقىرادى.

قازىرگى ۋاقىتتا ۇيىم ىلگەرىلەتىپ جاتقان داعدىلار مەن تۇراقتىلىق باعدارلامالارى جوعارىدا اتالعان ماسەلەلەردى شەشۋگە باعىتتالعان.

ويتكەنى بۇل سالاداعى بولاشاق قارىم-قاتىناستار ءۇشىن وتە ماڭىزدى.

ەسكە سالا كەتەيىك، بيىل وزبەكستاندا 200 مىڭ ازامات شەتەلگە جۇمىسقا جىبەرىلۋى مۇمكىن.

سوڭعى جاڭالىقتار