وڭتۇستىك كورەيا تۇرعىندارىنىڭ 90 پايىزدان استامى ءيت ەتىن جەگىسى كەلمەيتىنىن ايتتى

وڭتۇستىك كورەيادا 10 تۇرعىننىڭ 9 ى ءيت ەتىن جەگىسى كەلمەيتىنىن ايتتى.

Kazinform اگەنتتىگى بۇل تۋرالى The Korea Herald باسىلىمىنا سىلتەمە جاساپ حابارلايدى.

جانۋارلاردىڭ قۇقىعىن قورعايتىن Aware توبىنىڭ ەل بويىنشا 2000 ەرەسەك ادام اراسىندا جۇرگىزگەن ساۋالنامادا رەسپوندەنتتەردىڭ %93,4 ى ءيت ەتىن جەۋگە نيەتى جوق ەكەنىن ايتتى.

سونداي-اق رەسپوندەنتتەردىڭ %94,5 ى وتكەن جىلى ءيت جەمەگەنىن ايتتى.

ءيت ەتىن جەگىسى كەلمەۋىنىڭ سەبەبى تۋرالى سۇراققا %53,5 ى «ەموتسيونالدىق جيىركەنىش» سەزىنەتىنىن، %18,4 ى يتتەردى ءوسىرۋ مەن سويۋدىڭ قاتىگەزدىك پروتسەسىمەن كەلىسپەيتىنىن، ال تاعى %7,1 قوعامنىڭ ءيت ەتىنە تەرىس كوزقاراسىن سەزىنەتىنىن ايتتى.

ءيت ەتىنە تىيىم سالۋ تۋرالى زاڭ بويىنشا جۇمىس ىستەيتىن كوميتەتتىڭ دەرەگىنە سايكەس، جىل سايىن ەلدەگى 1600 گە جۋىق مەيرامحانا ورتاشا ەسەپپەن 388 مىڭ ءيت تۇتىنادى.

دۇيسەنبىدە ەل پارلامەنتىنىڭ زاڭ شىعارۋ جانە سوت-قۇقىقتىق ماسەلەلەر جونىندەگى كوميتەتى ءيت سويۋعا جانە ءيت ەتىن تاراتۋعا تىيىم سالاتىن زاڭ جوباسىن ماقۇلدادى، دەپ حابارلايدى Yonhap.

زاڭ جوباسى ۇلتتىق اسسامبلەيانىڭ پلەنارلىق وتىرىسىندا بۇگىن شىعارىلدى.