وڭتۇستىك كورەيا پرەزيدەنتىنىڭ رەزيدەنتسياسىنا پوليسيا قىزمەتكەرلەرى كەدەرگىسىز كىردى
استانا. KAZINFORM - سەيسەنبى كۇنى پرەزيدەنت رەزيدەنتسياسىن كۇزەتەتىن اسكەري ءبولىم يۋن سوك ەلدى ۇستاۋ ءۇشىن پوليتسيا مەن سىبايلاس جەمقورلىققا قارسى اگەنتتىك قىزمەتكەرلەرىنىڭ پرەزيدەنت رەزيدەنتسياسىنا كىرۋىنە رۇقسات بەردى.

بۇل قادام يۋن سوك ەلدى ەكىنشى رەت ۇستاۋ ارەكەتىن جەڭىلدەتەدى، دەپ جازادى Yonhap.
اتالعان بولىمشە پرەزيدەنت رەزيدەنتسياسىنىڭ سىرتقى پەريمەترىن قورعاۋعا جاۋاپتى ەكەنىن ايتا كەتكەن ءجون.
ءبىراق بۇعان دەيىن پرەزيدەنتتىڭ كۇزەت قىزمەتى رەزيدەنتسياعا كۇش قولدانۋ «زاڭسىز» بولاتىنىن العا تارتىپ، مۇنىڭ الدىن الۋدى كوزدەيتىنىن مالىمدەگەن بولاتىن.
وڭتۇستىك كورەيانىڭ بيلىكتەن شەتتەتىلگەن پرەزيدەنتى يۋن سوك ەلگە يمپيچمەنت جاريالاۋ ءىسى بويىنشا ءبىرىنشى تىڭداۋ 4 مينۋتتا ءبىتىپ قالدى.
سونداي- اق بۇعان دەيىن سەۋلدە شەرۋشىلەر وڭتۇستىك كورەيانىڭ بۇرىنعى پرەزيدەنتىن قاماۋعا الۋدى تالاپ ەتكەنىن حابارلاعان ەدىك.