وڭتۇستىك كورەيا پرەزيدەنتىنە ساپارعا شىعۋعا تىيىم سالىنۋى مۇمكىن

استانا. KAZINFORM - ەلدەن شىعۋعا تىيىم سالۋ يۋن سوك ەل جاريالاعان اسكەري جاعدايعا بايلانىستى تەرگەۋ امالدارى ءۇشىن قاجەت، دەپ حابارلايدى Yonhap اقپارات اگەنتتىگى.

- ءبىز الدىمەن قاجەتتى ماتەريالداردى جيناۋىمىز كەرەك، - دەدى پوليتسيانىڭ جوعارى لاۋازىمدى قىزمەتكەرى ۆۋ چجون سۋ تىلشىلەرگە ارنالعان بريفينگتە.

پوليتسيا پرەزيدەنتتەن جەكە جاۋاپ الۋ مۇمكىندىگىن جوققا شىعارمادى.

-ءبىز ونىڭ ەلدەن كەتۋ مۇمكىندىگىن قوسا العاندا، جان- جاقتى تالداۋ نەگىزىندە شەشىم قابىلدايمىز. تەرگەۋ نىسانىندا ەشقانداي ادامدىق نەمەسە فيزيكالىق شەكتەۋلەر جوق - دەپ قوستى ول.

اگەنتتىكتىڭ مالىمەتىنشە، ەلدىڭ بۇرىنعى ىشكى ىستەر ءمينيسترى لي سانگ مينگە شەتەلگە شىعۋعا قازىردىڭ وزىندە تىيىم سالىنعان.

ەسكە سالا كەتسەك، پروكۋرورلار پرەزيدەنت يۋن سوك ەل وتكەن اپتادا قىسقاشا اسكەري جاعداي جاريالاعاننان كەيىن بۇرىنعى قورعانىس ءمينيسترى كيم ەن حەندى مەملەكەتكە وپاسىزدىق جاسادى دەگەن كۇدىكپەن تەرگەۋ بارىسىندا قاماۋعا الدى.

بۇعان دەيىن وڭتۇستىك كورەيادا توتەنشە جاعداي رەجيمى ەنگىزىلگەن بولاتىن. الايدا پارلامەنت ونى جويۋعا داۋىس بەردى.

كورەياداعى قازاقستاندىقتار بۇقارالىق شارالارعا قاتىسۋدان باس تارتۋعا شاقىرىلدى.
3 جەلتوقساندا وڭتۇستىك كورەيادا پرەزيدەنت يۋن سوك ەل اسكەري جاعداي ەنگىزىلگەنىن جاريالادى.

سونداي- اق وڭتۇستىك كورەيانىڭ قورعانىس ءمينيسترى كيم ەن حەن سارسەنبى كۇنى پرەزيدەنت يۋن سوك ەلدىڭ اسكەري جاعداي ەنگىزۋ ارەكەتىنە الاڭداۋشىلىق تۋعىزعانى ءۇشىن كەشىرىم سۇراپ، وتستاۆكاعا كەتۋدى ۇسىندى.