وڭتۇستىك كورەيا ۇشۋ- قونۋ جولاقتارىنداعى بەتون بوگەتتەردى الىپ تاستايدى

استانا. KAZINFORM - مۇنداي شەشىم ادام ولىمىنە اكەلگەن ۇشاق اپاتىنان كەيىن قابىلداندى، دەپ حابارلايدى bbc.

Оңтүстік Корея ұшу-қону жолақтарындағы бетон бөгеттерді алып тастайды
Фото: bbc.com

جەلتوقساندا 179 ادامنىڭ ءومىرىن قيعان ۇشاق اپاتىنان كەيىن وڭتۇستىك كورەيا ەلدەگى 7 اۋەجايدا ناۆيگاتسيا ءۇشىن پايدالانىلعان بەتون كونسترۋكتسيالارىن وزگەرتەدى. بۇل ەل تاريحىندا ەڭ كوپ ادام ولىمىنە اكەلگەن اپات بولدى.

وڭتۇستىك كورەياداعى بارلىق اۋەجاي تەكسەرىلگەننەن كەيىن 7 اۋەجايدا ۇشۋ- قونۋ جولاعىنداعى قاۋىپسىزدىك ايماقتارى دا يكەمدەلەدى.

اپاتتىڭ سەبەبى ازىرگە بەلگىسىز، ءبىراق اۆياتسيالىق قاۋىپسىزدىك ساراپشىلارى اتالعان قۇرىلىس بولماعان جاعدايدا قازا بولعاندار سانى الدەقايدا از بولۋى مۇمكىن ەكەنىن ايتقان.

بەتون كونسترۋكسيادا ۇشاقتاردىڭ قونۋىنا كومەكتەسەتىن ناۆيگاتسيالىق جۇيە بار. وڭتۇستىك كورەيانىڭ كولىك مينيسترلىگى بۇل جۇيە ەلدەگى جانە شەتەلدەگى باسقا اۋەجايلاردا دا بار ەكەنىن مالىمدەدى.

قاۋىپسىزدىك ينسپەكتورلارى وسىنداي 9 جۇيەنى انىقتادى. ولاردىڭ اراسىندا مۋان اۋەجايىنداعى جۇيەلەر مەن ەلدەگى ەكىنشى ۇلكەن اۋەجاي چەدجۋ حالىقارالىق اۋەجايى دا بار.

قازىرگى ۋاقىتتا بەتون نەگىزدى جەڭىل قۇرىلىمدارعا اۋىستىرۋ نەمەسە ونى جەر استىنا توسەۋ مۇمكىندىگى قاراستىرىلىپ جاتىر.

شەنەۋنىكتەر مۋان حالىقارالىق اۋەجايىندا قولدانىستاعى بەتون بوگەتتەر تولىعىمەن جويىلاتىنىن اتاپ ءوتتى.

سوڭعى جاڭالىقتار