وڭتۇستىك افريكا يزرايلدىڭ رافاحتاعى ارەكەتتەرىن ايىپتاپ حالىقارالىق سوتقا جۇگىندى
استانا. KAZINFORM - وڭتۇستىك افريكا رەسپۋبليكاسى ب ۇ ۇ حالىقارالىق سوتىنا (ICJ) شۇعىل ءوتىنىش بەرىپ، يزرايلدىڭ رافاحتا وتكىزۋدى جوسپارلاپ وتىرعان جەرۇستى وپەراتسياسى ءۇشىن سوتتىڭ ءوز قۇزىرەتىن جۇزەگە اسىرۋىن تالاپ ەتە مە، جوق پا دەگەن شەشىم شىعارۋدى سۇرادى، دەپ حابارلايدى انادولى اقپارات اگەنتتىگى.
و ا ر جازباشا وتىنىشىندە ۇكىمەت دۇيسەنبى كۇنى حالىقارالىق سوتقا شۇعىل سۇراۋ جىبەرىپ، پالەستينا قۇقىقتارىنىڭ ودان ءارى بۇزىلۋىنا جول بەرمەۋ ءۇشىن ءوز قۇزىرەتىن پايدالانۋ كەرەك پە دەگەن شەشىم قابىلداۋدى سۇرادى.
مالىمدەمەدە ۇكىمەتتىڭ رافاح قالاسىنا جاسالعان شابۋىلدار ءالى ادام شىعىنىنا اكەلىپ سوقتىرعانى جازىلعان. توسقاۋىل قويماسا، ءالى دە ادام شىعىنى مەن قيراۋلار ۇلكەن شىعىنعا ۇشىراتاتىنى اتاپ وتىلگەن.
قۇجاتتا كورسەتىلگەندەي، رافاحقا جاسالعان شابۋىلدار 2024-جىلدىڭ 26- قاڭتارىندا يزرايلگە قارسى شىعارعان «وكىمدەرى» مەن «گەنوتسيدتىڭ الدىن الۋ جانە جازالاۋ تۋرالى كونۆەنتسيانى» ورەسكەل بۇزاتىنى ءسوز بولعان. وار ۇكىمەتى سوتتىڭ گازاداعى كۇن سايىنعى ءولىم-ءجىتىم سانىن ەسكەرە وتىرىپ بۇل ماسەلەنى شۇعىل تۇردە شەشەتىنىنە سەنىم ءبىلدىردى.
«يزرايل ارمياسىنىڭ رافاحقا جاساعان شابۋىلدارى سالدارىنان 100 دەن استام ادام قازا تاۋىپ، جۇزدەگەن ادام جارالاندى، ال جوسپارلانعان قۇرلىق شابۋىلى گۋمانيتارلىق اپات قاۋپىن ارتتىرىپ» - دەلىنگەن حابارلامادا.
يزرايل گازاعا جاساعان شابۋىلدارى كەزىندە ونداعان مىڭ پالەستينالىقتاردى اجال قۇشتىرىپ، اۋماقتىڭ سولتۇستىك جانە ورتالىق تۇرعىندارىنىڭ كوپشىلىگىن مىسىرمەن شەكاراداعى رافاحقا جاپپاي قاشۋعا ءماجبۇر ەتتى.
ەسكە سالا كەتسەك، جەلتوقسان ايىنىڭ سوڭىندا وڭتۇستىك افريكا گازا سەكتورىنداعى جاعدايعا بايلانىستى گااگاداعى حالىقارالىق سوتقا گەنوتسيد كونۆەنتسياسىنا سايكەس يزرايلگە قارسى شاعىم ءتۇسىرىپ، سوتتى يزرايلگە قارسى ۋاقىتشا شارا قولدانۋعا شاقىردى.
11- قاڭتاردا سوت حالىقارالىق قىلمىستىق سوت وڭتۇستىك افريكانىڭ يزرايلگە قارسى يزرايلدىڭ ارەكەتىن پالەستينا حالقىن گەنوتسيد دەپ تانۋ تۋرالى ارىزىن قاراي باستادى.
