وتكەن جىلى قازاقستاننىڭ سىرتقى تاۋار اينالىمى 141,4 ميلليارد ا ق ش دوللارى بولدى

استانا. KAZINFORM - تاۋار اينالىمى 141,4 ميلليارد ا ق ش دوللارى بولدى. بۇل تۋرالى ساۋدا جانە ينتەگراتسيا مينيسترلىگىنىڭ وتكەن جىلى قازاقستاننىڭ سىرتقى كەڭەيتىلگەن القا ماجىلىسىندە ۆەدومستۆو باسشىسى ارمان شاققاليەۆ ايتتى.

- جاھاندىق سىن قاتەرلەرگە قاراماستان مينيسترلىك ءۇشىن وتكەن جىل قىزمەتتىڭ بارلىق باعىتتارى بويىنشا وڭ سەرپىنمەن اياقتالدى. وتكەن جىلى ساۋدانىڭ ءوسۋى 9,1 پايىزدى قۇرادى. ساۋدا سالاسىنا 884,6 ميلليارد تەڭگە ينۆەستيتسيا تارتىلدى. بۇل 2023-جىلمەن سالىستىرعاندا 14,6 پايىزعا كوپ. ىشكى تاۋار اينالىمى دا تۇراقتى وڭ ديناميكادا قالىپ وتىر. ماسەلەن، وتكەن جىلدىڭ قورىتىندىسى بويىنشا ىشكى تاۋار اينالىمى 14,1 پايىزعا ءوسىپ، 69,6 تريلليون تەڭگەنى قۇرادى. قازاقستاننىڭ سىرتقى تاۋار اينالىمى 141,4 ميلليارد ا ق ش دوللارى بولدى. بۇل 2023-جىلمەن سالىستىرعاندا 1,6 ميلليارد ا ق ش دوللار ارتىق وسكەن، - دەدى مينيستر.

ۆەدومستۆو باسشىسىنىڭ دەرەگىنشە، ساۋدا بالانسى 3,1 ميلليارد ا ق ش دوللارعا ءوسىپ، 21,8 ميلليارد ا ق ش دوللارىنا جەتتى. تاۋارلار مەن قىزمەتتەردىڭ شيكىزاتتىق ەمەس ەكسپورتىنىڭ كولەمى وتكەن جىلى 10,7 پايىزعا ارتىپ، 40,2 ميلليارد ا ق ش دوللارىن قۇرادى.

- الەۋمەتتىك ماڭىزى بار ازىق-تۇلىك تاۋارلارى باعاسىنىڭ يندەكسى 1,4 پايىزدى عانا قۇرادى. بۇل سوڭعى 10 جىلداعى ەڭ جاقسى كورسەتكىش. جالپى ساۋدا - ۇلتتىق ەكونوميكانىڭ نەگىزگى سالالارىنىڭ ءبىرى. جۇمىسپەن جانە ەكونميكانى تۇراقتى قامتۋىنا ىقپال ەتەدى، - دەدى ول.