وتباسىن جاڭا قۇرعان ەرلى-زايىپتىلار اپتاسىنا 4 كۇن جۇمىس ىستەيدى
استانا. KAZINFORM - وڭتۇستىك كورەيادا وتباسىن ەندى قۇرعان ەرلى-زايىپتىلار ءۇشىن ءتورت كۇندىك جۇمىس اپتاسى ەنگىزىلەدى. ول ەلدەگى دەموگرافيالىق احۋالدى جاقسارتۋ ءۇشىن جاسالماق.
بۇل ازىرگە سىناق رەتىندە قولعا الىنعان جوبا، دەپ حابارلايدى 24.kz.
وعان كەنگيدو پروۆينتسياسىنداعى 50 كومپانيا قاتىسادى. جۇمىس اپتاسى قىسقارعاندا، جاستاردىڭ وتباسىنا كوڭىل بولۋگە ۋاقىتى كوبەيۋى ءتيىس. قازىر ەلدە دەموگرافيالىق داعدارىس ۋشىعىپ بارادى. بالا تۋۋ كورسەتكىشى تومەندەپ كەتكەن. ويتكەنى باسپانا قىمبات. بالانى باعىپ-قاعۋ شىعىندارى دا از ەمەس.
جاستار مانساپ قۋىپ، ءسابيلى بولۋعا اسىقپايدى. وسىعان بايلانىستى بيلىك وتباسىن قۇرۋعا ىنتالاندىراتىن ارنايى باعدارلامالاردى قولعا الىپ جاتىر. ءتىپتى جالعىزباستى جاندارعا كەزدەسۋ ۇيىمداستىرىلادى. ەگەر قارىم-قاتىناسىن جالعاستىراتىن بولسا، ولارعا اقشا تولەيدى. بۇدان بولەك باسپانا ساتىپ الۋ جانە ءۇي جالداپ تۇرۋعا دا قارجىلاي كومەك بار.
