وتباسى بانك گەندەرلىك چەمپيون دەپ تانىلدى

وتباسى بانك («بايتەرەك» حولدينگىنىڭ ەنشىلەس ۇيىمى) قازاقستاندا گەندەرلىك تەڭدىكتى بەلسەندى تۇردە دامىتۋعا قوسقان ۇلەسى ءۇشىن ورتالىق ازيا وڭىرلىك ەكونوميكالىق ىنتىماقتاستىق (ارى قاراي –و ا ءو ە ى) باعدارلاماسىنىڭ جۇلدەسىن ەلىمىزدە العاشقىلاردىڭ ءبىرى بولىپ جەڭىپ الدى، دەپ حابارلايدى Kazinform.

ماراپات بانككە «ۇماي» ايەلدەردى تۇرعىن ۇيمەن قامتاماسىز ەتۋ باعدارلاماسىن ءساتتى جۇزەگە اسىرعانى ءۇشىن تاعايىندالدى. ءۇش جىل ىشىندە بۇل جوبا ءىرى قالالاردا عانا ەمەس، سونىمەن قاتار وبلىس ورتالىقتارى مەن شاعىن قالالاردا 3500 دەن استام قىز-كەلىنشەكتىڭ باسپانالى بولۋىنا كومەكتەستى.

- گەندەرلىك تەڭدىك - ادام قۇقىقتارىنىڭ ەڭ ماڭىزدى بولىگىنىڭ ءبىرى، ول قوعامداعى بەيبىتشىلىك پەن كەلىسىمدى قامتاماسىز ەتۋدە باستى ءرول اتقارادى. ونىڭ نەگىزى - ەكونوميكالىق تەڭدىك. سوندىقتان وتباسى بانك ايەلدەردىڭ باسپانالى بولۋىنا بارىنشا كۇش سالىپ جاتىر»، - دەدى «وتباسى بانك» ا ق باسقارما ءتورايىمى ءلاززات يبراگيموۆا.

ءلاززات يبراگيموۆا ءوزىنىڭ كاسىبي مانسابىندا قازاقستانداعى گەندەرلىك تەڭدىك يدەيالارىن بەلسەندى تۇردە ىلگەرىلەتىپ كەلەدى. وسىلايشا، ونىڭ جەتەكشىلىگىمەن «دامۋ» قورى ەۋروپالىق قايتا قۇرۋ جانە دامۋ بانكىنىڭ (ە ق د ب) قاراجاتى ەسەبىنەن ايەلدەر كاسىپكەرلىگى سۋبەكتىلەرىن قولداۋ شاراسى شەڭبەرىندە ورتالىق ازياداعى العاشقى نەسيەلىك جەلىنى ىسكە قوستى. 2016-جىلى ە ق د ب باسشىسى سۋما چاكرابارتي گەندەرلىك تەڭدىكتى دامىتۋعا قوسقان ۇلەسى ءۇشىن ءلاززات يبراگيموۆانى ماراپاتتادى.

وتباسى بانكىنىڭ «ۇماي» باعدارلاماسى قىزمەتتىڭ ءتۇرلى سالاسىنداعى جانە تابىسى ءارتۇرلى ايەلدەردىڭ باسپانا ماسەلەسىن شەشۋگە كومەكتەستى.

- ESG- قاعيداتتارىن ۇستانۋ، قوعام مەن قورشاعان ورتانىڭ يگىلىگى ءۇشىن ودان ءارى تۇراقتى دامۋدى قامتاماسىز ەتۋ ءۇشىن، وتباسى بانكىنىڭ ستراتەگيالىق تاڭداۋى بولىپ تابىلادى. سوندىقتان بانك «جاسىل قارجىلاندىرۋ»، گەندەرلىك تەڭدىك، سونداي-اق جاستاردى قولداۋ ماسەلەلەرى بويىنشا ءوز ۇستانىمدارىنا بەرىك، - دەپ تولىقتىردى «وتباسى بانك» ا ق جوسپارلاۋ جانە ستراتەگيالىق تالداۋ دەپارتامەنتىنىڭ ديرەكتورى الەنا فينوگەنوۆا.

و ا ءو ە ى - بۇل 11 ەلدىڭ (اۋعانستان، موڭعوليا، ازەربايجان، پاكىستان، قىتاي، تاجىكستان، قازاقستان، تۇرىكمەنستان، قىرعىز رەسپۋبليكاسى، وزبەكستان) جانە دامۋ بويىنشا سەرىكتەستەرىنىڭ (ازيا دامۋ بانكى، ەۋروپالىق قايتا قۇرۋ جانە دامۋ بانكى، حالىقارالىق ۆاليۋتا قورى، يسلام دامۋ بانكى، ب ۇ ۇ دامۋ باعدارلاماسى، دۇنيەجۇزىلىك بانك جانە ازيالىق ينفراقۇرىلىمدىق ينۆەستيتسيالار بانكى) ەكونوميكالىق ءوسۋدى ارتتىرۋعا جانە كەدەيشىلىكتى ازايتۋعا باعىتتالعان سەرىكتەستىگى.

ايتا كەتەيىك، ءواوەى سىيلىعى قوعامعا ەلەۋلى ۇلەس قوسقان كوشباسشىلارعا بەرىلەدى.