وتباسى بانك: «ۇماي» جانە «جاسىل يپوتەكا» باعدارلامالارى ىسكە قوسىلادى

استانا. KAZINFORM - بيىل باسىندا پاتەرى بار ادامدارعا ىڭعايلى «ۇماي» جانە «جاسىل يپوتەكا» باعدارلامالارى ىسكە قوسىلادى. بۇل تۋرالى Kazinform اگەنتتىگىنىڭ ساۋالىنا وتباسى بانكتىڭ رەسمي جاۋابىندا ايتىلعان.

Тұрғын үй
Фото: Pixabay.com

- 2025 - جىلى وتباسى بانك «ۇماي» جانە «جاسىل يپوتەكا» باعدارلامالارىن ىسكە قوسۋدى جوسپارلاپ وتىر. بۇل باعدارلامالارعا قاتىسۋ ءۇشىن %20 دان باستالاتىن ەڭ تومەنگى باستاپقى جارنا بولۋى كەرەك. سونداي- اق وسى باعدارلامالار بويىنشا زاەمنىڭ ەڭ كوپ سوماسى 50 ميلليون تەڭگەگە تەڭ. نەسيەنى ءۇي ساتىپ الۋعا نەمەسە جوندەۋ جۇمىستارى ءۇشىن الۋعا بولادى. تۇرعىن ءۇيدىڭ بولۋىنا ەشقانداي شەكتەۋ جوق. بانك وتىنىمدەردى قابىلداۋ كۇنىن قوسىمشا حابارلايدى، - دەلىنگەن حابارلامادا.

جاسىل يپوتەكا - بۇل «جاسىل ستاندارتقا» سايكەس كەلەتىن نىساننان تۇرعىن ءۇي ساتىپ الۋعا بەرىلەتىن بانك زاەمى. ياعني نىساننىڭ ۇلتتىق «ءومىر» ستاندارتى، رەسەيلىك مەملەكەتتىك ستاندارتى جانە حالىقارالىق BREAM نەمەسە LEED ستاندارتتارىنا سايكەستىك سەرتيفيكاتى بولۋى كەرەك.

نەسيە 6 ايدان 25  جىلعا دەيىن بەرىلەدى. باستاپقى جارنا - شارتتىق سومانىڭ %20  ىنان %50 ىنا دەيىن.

ال «ۇماي» - ايەلدەرگە ارنالعان يپوتەكا باعدارلاماسى. ونىڭ شارتتارى ءتيىمدى بولۋىنا (باستاپقى جارنا - %15) بايلانىستى ۇلكەن سۇرانىسقا يە. مىسالى، بىلتىر مامىر ايىندا وسى باعدارلاما بويىنشا ءوتىنىم قابىلداۋ باستالىپ، جارتى كۇنگە جەتپەي قارجىسى تاۋسىلىپ قالعان بولاتىن.

ايتا كەتەيىك، بۇعان دەيىن الداعى ايلاردا «ناۋرىز» باعدارلاماسىنىڭ ەكىنشى كەزەڭى ىسكە قوسىلاتىنىن جازعان ەدىك.

 

سوڭعى جاڭالىقتار