«وتباسى بانك» ارقىلى 62298 قازاقستاندىق باسپانالى بولدى
2023-جىلدىڭ قورىتىندىسى بويىنشا جاڭا نەمەسە بۇرىننان جيناق شوتتارىنىڭ يەلەرى مەملەكەت تاراپىنان پايىز20 كولەمىندە سىيلىقاقى الادى.
بۇل تۋرالى وڭىرلىك كوممۋنيكاتسيالار قىزمەتى الاڭىندا الماتى قالاسىنىڭ «وتباسى بانك» ا ق ديرەكتورى داناگۇل ءتۇسىپوۆا ايتتى، دەپ حابارلايدى Kazinform.
سپيكەر كەلتىرگەن مالىمەتكە ساي، 2023-جىلى الماتىنىڭ 11200 تۇرعىنى وتباسى بانكتىڭ كومەگىمەن قونىس تويىن تويلادى. تاعى 24500 قالا تۇرعىنى دەپوزيت اشىپ، بولاشاقتا قولجەتىمدى شارتتار بويىنشا تۇرعىن ءۇي ساتىپ الۋ ءۇشىن قاراجات جيناي باستادى.
بانكتىڭ جىلدىق 2 پايىز مولشەرىندەگى سىياقىسىن جانە مەملەكەت سىيلىقاقىسىن ەسكەرگەندە وتباسى بانكتەگى دەپوزيتتەر بويىنشا ءتيىمدى مولشەرلەمە جىلدىق 14 پايىزعا جەتۋى مۇمكىن.
«ءبىزدىڭ قولداۋىمىزدىڭ ارقاسىندا كۇن سايىن ورتا ەسەپپەن 235 باقىتتى وتباسى قونىس تويىن اتاپ وتەدى. بيىل وتباسى بانك كومەگىمەن ءوزىنىڭ تۇرعىن ءۇي ماسەلەسىن 62298 قازاقستاندىق شەشتى»، - دەپ اتاپ ءوتتى ول.
ايتۋىنشا، وتباسى بانكتىڭ «وتباسىلىق پاكەتى» شەڭبەرىندە ءوز كىرىسىڭدى ۇلعايتۋعا بولادى.
«ول ءۇشىن ءسىز وتباسىنىڭ بىرنەشە مۇشەسىنە دەپوزيت اشۋىڭىز كەرەك، سوندا سىيلىقاقى ءار سالىمعا ەسەپتەلەدى. مىسالى، ەگەر وتباسى ايىنا بەلگىلى ءبىر سومانى ۇنەمدەۋدى جوسپارلاعان بولسا، وندا وتباسى ونى «وتباسىلىق پاكەت» شەڭبەرىندە بىرنەشە سالىم اراسىندا ءبولۋ ارقىلى ءار سالىم ءۇشىن مەملەكەت سىيلىقاقىسىن الاتىن مۇمكىندىككە يە بولادى. سودان كەيىن قاجەتتى سومانىڭ جيناقتالۋى تەزىرەك بولادى»، - دەپ ءتۇسىندىردى سپيكەر.
بانك سالىمشىسى جىلجىمايتىن مۇلىكتى ساتىپ الۋ تۋرالى شەشىم قابىلداعاننان كەيىن ءبىر وتباسىنىڭ بارلىق شوتتارىن بىرىكتىرىپ، قارىز الۋىنا بولادى.
«بۇگىنگى تاڭدا قازاقستاندىقتار ءۇشىن ەڭ قولجەتىمدى قارىز ءتۇرى - تۇرعىن ءۇي قارىزى. مۇنداي قارىز شوتتا كەمىندە 3 جىل مەرزىم ىشىندە تۇرعىن ءۇي قۇنىنىڭ كەمىندە 50 پايىزى جيناقتالعان جاعدايدا بەرىلەدى. قالعان سومانىڭ 50 پايىزىن كليەنت جىلدىق 3,5 پايىزدان 5 پايىزعا دەيىنگى مولشەرلەمە (ج ت س م 3,6 پايىزدان باستاپ) بويىنشا الادى»، - دەيدى داناگۋل ءتۇسىپوۆا.
سپيكەردىڭ سوزىنشە، قارجى جيناقتاۋ مۇمكىندىگى قازاقستاندىق وتباسىلارعا تۇرعىن ءۇي ماسەلەسىن شەشۋگە كومەكتەسەدى.
سىيلىقاقى تولەۋگە ارنالعان قاراجات جىل سايىن رەسپۋبليكالىق بيۋدەتتە كوزدەلەدى. وتكەن جىلدىڭ قورىتىندىسى بويىنشا 1,9 ميلليون قازاقستاندىق 75 ميلليارد تەڭگە كولەمىندە مەملەكەت سىيلىقاقىسىن الدى.
«مەملەكەت سىيلىقاقىسى 200 ا ە ك (2023-جىلى 1 ا ە ك 3450 تەڭگەگە تەڭ) نەمەسە 690000 تەڭگەدەن اسپايتىن سوماعا ەسەپتەلەدى. ەگەر وسى جىل ىشىندە وتباسى بانكتىڭ دەپوزيت ۇستاۋشىسى وسى قاراجاتتى ءوز شوتىنا جيناسا نەمەسە ولاردى ءبىر مەزگىلدە ەنگىزسە، وندا ول 2023-جىلدىڭ قورىتىندىسى بويىنشا ەڭ جوعارى سىيلىقاقى - 138000 تەڭگەنى الادى، ول ءۇشىن بانك سالىمشىلارى ءوز دەپوزيتتەرىن 2023-جىلدىڭ 29- جەلتوقسانىنا دەيىن تولىقتىرىپ ۇلگەرۋلەرى كەرەك»، - دەيدى وتباسى بانكتىڭ الماتى قالالىق فيليالىنىڭ ديرەكتورى داناگۋل ءتۇسىپوۆا.
