وتاندىق اۋەكومپانيا ەرەۋىلگە بايلانىستى 7- ناۋرىزدا گەرمانياعا ۇشپايتىنىن حابارلادى
استانا. KAZINFORM - وسى جىلدىڭ 7- ناۋرىزىندا Air Astana اۋەكومپانياسى فرانكفۋرت اۋەجايىندا اۆياتسيالىق قاۋىپسىزدىك قىزمەتكەرلەرىنىڭ ەرەۋىلى سالدارىنان KС921/KС922 استانا-فرانكفۋرت-استانا رەيستەرىنىڭ ورىندالمايتىنى تۋرالى حابارلادى.
وسى رەيس جولاۋشىلارىنا ءتيىستى SMS حابارلاما جىبەرىلدى.
«بۇل رەيستەردىڭ جولاۋشىلارىنا سەرۆيس اقىسىنان باسقا بيلەتتىڭ پايدالانىلماعان بولىگىن تولىق قايتارۋ، سونداي-اق بيلەتتىڭ قۇنىن تولىق قايتارۋ نەمەسە 2024-جىلدىڭ 14- ناۋرىزىنا دەيىن ورىندالاتىن رەيستەرگە ايىپپۇلسىز قايتا برونداۋ قاراستىرىلعان. اۋەكومپانياعا بايلانىستى ەمەس سەبەپتەرمەن رەيستەردىڭ ورىندالماعانىنا جانە سونىڭ سولدارىنان تۋىنداعان قولايسىزدىقتار ءۇشىن وكىنەمىز. بيلەتتى قايتارۋ جانە قايتا برونداۋ تۋرالى سۇراقتار بويىنشا اۋەكومپانيانىڭ كومەك ورتالىعىنا حابارلاسىپ، رەيستىڭ مارتەبەسىن رەسمي سايتىنان تەكسەرۋدى سۇرايمىز»، - دەلىنگەن حابارلامادا.
