وتانداسىمىز قىتايدا «قازاقستان» شوكولادىن تاراتىپ، سپورتشىلارىمىزعا قولداۋ سۇرادى
وتانداسىمىز قىتايدىڭ حاڭجوۋ قالاسىندا ءوتىپ جاتقان ازيا ويىندارى بارىسىندا «قازاقستان» شوكولادىن تاراتىپ، سپورتشىلارىمىزدى قولداۋعا شاقىرىپ ءجۇر، دەپ حابارلايدى قازاقپارات ءتىلشىسى.

ۆيدەو تۋريزم جانە سپورت مينيسترلىگىنىڭ Telegram-پاراقشاسىندا جاريالاندى. وندا وتانداسىمىز سپورتتىق جارىستار ءوتىپ جاتقان نىساننىڭ قاۋىپسىزدىك قىزمەتكەرىمەن، كوشە بويىن تازالاپ جۇرگەن جۇمىسشىمەن، شەتەلدىك بۇقارالىق اقپارات قۇرالدارى وكىلىمەن سوتپەن انىقتالعان دەگەنجانە باسقا دا ادامدارمەن جۇدىرىق ءتۇيىستىرۋ ارقىلى سالەمدەسۋ يشاراسىن جاساپ، كەيىن بارىنە «قازاقستان» شوكولادىن تارتۋ ەتەدى.
ۆيدەو سوڭىندا شەتەلدىكتەر: «العا، قازاقستان!»، دەپ قازاق تىلىندە سپورتشىلارىمىزعا قولداۋ بىلدىرەدى.
ەسكە سالايىق، 23-قىركۇيەكتە باستالعان ازيا ويىندارىندا سپورتتىڭ 30 تۇرىنەن 524 وتانداسىمىز (262 ەر، 262 ايەل) باق سىناپ جاتىر.
XIX جازعى ازيا ويىندارىنىڭ سالتاناتتى اشىلۋ راسىمىندە ەلىمىز تۋىن بوكستان ۇلتتىق قۇراما كاپيتانى اسلانبەك شىمبەرگەنوۆ پەن بيىكتىككە سەكىرۋدەن كوشباسشىمىز نادەجدا دۋبوۆيتسكايا ۇستاپ شىقتى.
قازاقستان قورجىنىندا ازىرگە 9 مەدال بار.