وسى دەمالىستا كۇن 32 گرادۋسقا دەيىن جىلىنادى

استانا. KAZINFORM - قازگيدرومەت سينوپتيكتەرى 14-16-قىركۇيەك ارالىعىنا ارنالعان ءۇش كۇندىك اۋا رايى بولجامىن جاريالادى.

دەمالىس كۇندەرى ءالى دە اۋقىمدى انتيتسيكلون قازاقستان اۋماعىنىڭ كوپ بولىگىن قامتيدى، سول سەبەپتەن جاۋىن-شاشىنسىز اۋا رايى ساقتالادى.

تەك ەلدىڭ سولتۇستىگىندە، شىعىسىندا جانە ورتالىعىندا اتموسفەرالىق فرونتتاردىڭ اسەرىنەن جاڭبىر جاۋادى: رەسپۋبليكانىڭ شىعىسىندا تۇنگى ۋاقىتتا جاۋىننىڭ سوڭى قارعا ۇلاسۋى مۇمكىن.

رەسپۋبليكا بويىنشا جەل كۇشەيەدى.

تۇنگى جانە تاڭەرتەڭگى ساعاتتا ەلدىڭ سولتۇستىگىندە، سولتۇستىك-باتىسىندا جانە شىعىسىندا تۇمان تۇسەدى.

16-قىركۇيەكتە توپىراق بەتىندە 2 گرادۋسقا دەيىن ۇسىك جۇرەدى.

كۇندىز اۋا تەمپەراتۋراسى: رەسپۋبليكانىڭ باتىسىندا 20+30 + گرادۋس، سولتۇستىك-باتىسىندا 12+25 + گرادۋس، شىعىسىندا 5+18 + گرادۋس، وڭتۇستىگىندە 23+32 + گرادۋس، ەلدىڭ سولتۇستىگىندە جانە ورتالىعىندا 15+23 + گرادۋستان 10+ 18 + گرادۋس، وڭتۇستىك-شىعىسىندا +10+23 گرادۋستان 15+27 + گرادۋسقا دەيىن كوتەرىلەدى.