وسى دەمالىستا بوران باسىلىپ، اياز 28 گرادۋسقا دەيىن كۇشەيەدى

استانا. KAZINFORM - قازگيدرومەت سينوپتيكتەرى 10-12-اقپانعا ارنالعان ءۇش كۇندىك اۋا رايى بولجامىن جاريالادى.

سكانديناۆيا سيكلونى بىرتە- بىرتە ەلىمىزدەن ىعىسادى، دەگەنمەن قازاقستاننىڭ باسىم بولىگىندە جاۋىن- شاشىندى اۋا رايى ساقتالادى.

بۇرقاسىن كوتەرىلىپ، ەكپىندى جەل سوعادى، كوكتايعاق بولادى.

سودان كەيىن اتموسفەرالىق قىسىمنىڭ جوعارىلاۋىمەن جاۋىن-شاشىن قىسقا مەرزىمگە توقتايدى.

تەمپەراتۋرا ەلىمىزدىڭ سولتۇستىك جارتىسىندا تۇندە 20-28 ايازعا دەيىن، كۇندىز 15-20 ايازعا دەيىن ايتارلىقتاي تومەندەيدى.

ال وڭتۇستىك ايماقتارعا يران ايماعىنان وڭتۇستىك سيكلون كەلەدى. سالدارىنان جاۋىن- شاشىن، نەگىزىنەن جاڭبىر جاۋادى.

جەل كۇشەيىپ، تۇمان تۇسەدى، كوكتايعاق بولادى.