وسى اپتادا پرەزيدەنتتىڭ قاتىسۋىمەن قانداي شارالار وتەدى

استانا. KAZINFORM - اقوردا وسى اپتادا پرەزيدەنت قاسىم-جومارت توقايەۆتىڭ قاتىسۋىمەن قانداي شارالار وتەتىنىنىن حابارلادى.

28-29-مامىر كۇندەرى قازاقستانعا رۋاندا پرەزيدەنتى پول كاگامە رەسمي ساپارمەن كەلەدى. ساپار اياسىندا ەكىجاقتى ىنتىماقتاستىقتى دامىتۋ پەرسپەكتيۆاسى تالقىلانىپ، ءبىرقاتار قۇجاتقا قول قويىلادى.
28 - مامىردا گەرمانيا فەدەراتيۆتىك رەسپۋبليكاسى بۋندەسراتىنىڭ توراعاسى انكە رەلينگەرمەن كەزدەسۋ وتەدى.
28-29 - مامىر كۇندەرى سولتۇستىك ماكەدونيا پرەزيدەنتى گوردانا سيليانوۆسكايا- داۆكوۆا جۇمىس ساپارىمەن كەلەدى.
28-29 - مامىردا استاناعا حورۆاتيا پرەمەر- مينيسترى اندرەي پلەنكوۆيچ جۇمىس ساپارىمەن كەلەدى. 
29 - مامىر كۇنى پرەزيدەنت قاسىم-جومارت توقايەۆ استانا حالىقارالىق فورۋمىنا (AIF) قاتىسادى جانە رەسمي دەلەگاتسيا جەتەكشىلەرىمەن، سونداي-اق حالىقارالىق ۇيىمدار مەن كومپانيالار باسشىلارىمەن ءبىرقاتار كەزدەسۋ وتكىزەدى.
30 - مامىردا ەلىمىزگە يتاليا پرەمەر- ءمينيسترى دجوردجا مەلوني رەسمي ساپارمەن كەلەدى. سول كۇنى ايماقتاعى مەملەكەتتەر باسشىلارىنىڭ قاتىسۋىمەن ءبىرىنشى «ورتالىق ازيا - يتاليا» ءسامميتى وتەدى.
31 - مامىردا پرەزيدەنت ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنىنە ارنالعان ءىس-شاراعا قاتىسادى.
بۇعان دەيىن حابارلانعانداي، پرەزيدەنت ۇلتتىق قاۋىپسىزدىك ورگاندارى قىزمەتىنىڭ باعىتتارى بويىنشا ءبىرقاتار تاپسىرما بەردى.