وسى اپتادا گەرمانيا كومپانيالارى استاناعا كەلەدى

Германия компаниялары
Фото: Kazinform

استانا. KAZINFORM - بيىل 15-16- مامىردا گەرمانيا ەكونوميكاسى شىعىس كوميتەتىنىڭ بيزنەس دەلەگاتسياسىنىڭ استاناعا ساپارى جوسپارلانعان.

ساپارعا وراي بەرلين ەۋرازيالىق كلۋبىنىڭ (ب ە ك) وتىرىسى وتەدى جانە وعان ق ر پرەمەر- ءمينيستىنىڭ ءبىرىنشى ورىنباسارى رومان سكليار جانە سىرتقى ىستەر ءمينيسترىنىڭ ورىنباسارى نازيرا نۇربايەۆا قاتىسادى.

«ءىس- شاراعا گەرمانيا ەكونوميكاسى شىعىس كوميتەتىنىڭ باسقارما ءتوراعاسى كاترينا كلااس- ميۋلحويزەر باستاعان 30 دان استام نەمىس كومپانياسى (ەنەرگەتيكا، ماشينا جاساۋ، تاۋ-كەن ونەركاسىبى سالاسىندا) قاتىسادى. بەرلين كلۋبى 2012 -جىلعى 7 -اقپاندا قۇرىلعان. كلۋبتىڭ جۇمىسى اشىق پىكىر الماسۋ جانە ۇسىنىستار ازىرلەۋ ماقساتىندا ەكى مەملەكەتتىڭ ساياساتكەرلەرى، ساراپشىلارى، بيزنەسمەندەرى اراسىنداعى تۇراقتى ءوزارا ءىس- قيمىلعا باعىتتالعان»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتە وتكەن اپتالىق باسپا ءسوز ءماسليحاتىندا.

سوڭعى جاڭالىقتار