15:12, 10 - قاڭتار 2024 | GMT +5
وسكەمەندىك شەنەۋنىك اسكەري قىزمەتتى كەيىنگە قالدىرعانى ءۇشىن پارا العان
وسكەمەندىك شەنەۋنىك اسكەري قىزمەتتى كەيىنگە قالدىرعانى ءۇشىن پارا الۋ كۇدىگىنە ىلىكتى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ رەسمي وكىلى ارمان تىلەۋكەنوۆ ايتتى، دەپ حابارلايدى Kazinform.
«ش ق و سىبايلاس جەمقورلىققا قارسى قىزمەتى وسكەمەن قالالىق قورعانىس ىستەرى جونىندەگى باسقارماسى جاساقتاۋ ءبولىمىنىڭ باستىعىنا قاتىستى سوتقا دەيىنگى تەرگەۋدى اياقتادى. ول اسكەرگە شاقىرىلۋشىلارعا مەرزىمدى اسكەري قىزمەتتى كەيىنگە قالدىرعانى ءۇشىن ەل ازاماتتارىنان بىرنەشە رەت پارا الۋ بويىنشا كۇدىككە ءىلىندى. قازىرگى ۋاقىتتا قىلمىستىق ءىس سوتقا جىبەرىلدى»، - دەدى ارمان تىلەۋكەنوۆ ۆەدومستۆودا وتكەن بريفينگىدە.
