وسكەمەندە وزگەنىڭ كولىگىن ايداپ كەتكەن ەر ادام دۇكەنگە سوعىلدى

وسكەمەن. KAZINFORM - وسكەمەن قالاسىندا وزگەنىڭ كولىگىن ايداپ كەتىپ، دۇكەنگە سوعىلعان ەر ادامعا قاتىستى قىلمىستىق ءىس قوزعالدى.

قالاداعى مەتاللۋرگتەر مادەنيەت سارايىنىڭ ماڭىندا «Audi» ماركالى اۆتوكولىكتى تىزگىندەپ كەلە جاتقان ازامات دۇكەنگە كەلىپ سوعىلعان. سوڭىنان انىقتالعانداي، بۇل كولىك جۇرگىزۋشىگە تيەسىلى ەمەس بولىپ شىقتى.

«ءتارتىپ ساقشىلارىنا حابارلاسقان وسكەمەن تۇرعىنى اۆتوكولىگىن بەلگىسىز بىرەۋدىڭ ايداپ كەتكەنىن جەتكىزدى. كوپ ۇزاماي سول كولىك جول اپاتىنا تۇسكەن. قازىرگى ۋاقىتتا كۇدىكتى ۇستالدى. اتالعان فاكتى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر»، - دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتى.

ۆەدومستۆو دەرەگىنشە، جول-كولىك وقيعاسى بويىنشا جەكە ءىس قوزعالادى.

اۆتور
تالعاتجان مۇحامەتبەك ۇلى