وسكەمەندە قوقىستان تابىلعان نارەستەگە قاتىستى قىلمىستىق ءىس قوزعالدى

وسكەمەن. KAZINFORM - وسكەمەن قالاسىندا قوقىستان شاقالاقتىڭ دەنەسى تابىلعان. اتالعان وقيعا بويىنشا قىلمىستىق ءىس قوزعالدى.

شىعىس قازاقستان وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جاڭا تۋعان نارەستەنىڭ دەنەسىن كۋاگەرلەر 23-اقپان كۇنى قوقىستىڭ اراسىنان كورىپ، پوليتسياعا حابار بەرگەن.

اتالعان وقيعا بويىنشا قىلمىستىق ءىس قوزعالدى.

- جەدەل ءىس-شارالار بارىسىندا جاڭا تۋعان نارەستەنىڭ اناسى تابىلدى. قازىرگى ۋاقىتتا بولعان وقيعانىڭ بارلىق ءمان-جايىن انىقتاۋ ءۇشىن تەرگەۋ امالدارى جۇرگىزىلىپ جاتىر، - دەپ حابارلادى ۆەدومستۆو وكىلدەرى.

بەيرەسمي مالىمەتتەرگە سۇيەنسەك، اناسى بالاسىن قوقىسقا ءوزى تاستاعان.

ەسكە سالساق، بۇعان دەيىن س ق و-دا بىلتىر 5 مىڭ نارەستە تۋىپ، 6 مىڭ ادام قايتىس بولعانى حابارلانعان.

اۆتور

تالعاتجان مۇحامەتبەك ۇلى