وسكەمەندە قاي جولداردا جول اپاتى ءجيى بولادى

وسكەمەن. KAZINFORM - وسكەمەن قالاسىندا جول اپاتى ءجيى تىركەلەتىن ۋچاسكەلەر بەلگىلى بولدى.

وسى جىلدىڭ باسىنان بەرى شاھار بويىنشا 400 گە جۋىق جول اپاتى تىركەلگەن. بۇل الدىڭعى جىلمەن سالىستىرعاندا 2,5 ەسە كوپ. سونىڭ سالدارىنان 400 دەن استام ادام زارداپ شەككەن.

- وسكەمەندە ءجيى جول اپاتى بولاتىن 5 جەر بار. ولار ەرتىس كوپىرىنىڭ الدىنداعى الاڭىنىڭ اينالمالى قوزعالىسىمەن قيىلىسى، ساتپايەۆ- جىبەك جولى- ەسەنبەرلين داڭعىلدارىنىڭ قيىلىسى، توعاس كوشەسى، 3/1، اباي- شاكارىم داڭعىلدارىنىڭ قيىلىسى، ينتەرناتسيونالنايا- ۆولگوگرادسكايا كوشەلەرىنىڭ قيىلىسى، - دەپ جاۋاپ بەردى وسكەمەن قالالىق پوليتسيا باسقارماسى باستىعىنىڭ ورىنباسارى ت. قامزين Kazinform ءتىلشىسىنىڭ رەسمي ساۋالحاتىنا.

جول-كولىك وقيعالارىنىڭ الدىن الۋ ءۇشىن پوليتسيا قىزمەتكەرلەرى جول بەلگىلەرى مەن كوشەلەردىڭ جارىقتاندىرىلۋىنىڭ جاي-كۇيىن ءجىتى تەكسەرىپ، جول قوزعالىسى ەرەجەلەرىنىڭ ساقتالۋىنا باقىلاۋدى كۇشەيتتى.

ەسكە سالساق، وسىعان دەيىن پاۆلوداردا جانتۇرشىگەرلىك جول اپاتىنان ءۇش ەر ادام قازا بولعانى جايلى جازعانبىز.

اۆتور

تالعاتجان مۇحامەتبەك ۇلى