وسكەمەندە ەكى بالانى قاعىپ كەتكەن كولىك جۇرگىزۋشىسى 3 كۇننەن بەرى تابىلماي جاتىر
وسكەمەن. KAZINFORM - وسكەمەن قالاسىندا بەيمالىم كولىك جۇرگىزۋشىسى 2 بالانى قاعىپ، سول جەردەن قاشىپ كەتكەن.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى 7-جەلتوقسان كۇنى نازاربايەۆ داڭعىلىندا بولعان.
- «بەرەكە» ساۋدا ءۇيىنىڭ جانىنداعى رەتتەلمەيتىن جاياۋ جۇرگىنشىلەر وتكەلىندە بەلگىسىز كولىك كامەلەتكە تولماعان ەكى جاياۋ جۇرگىنشىنى قاعىپ كەتتى. جۇرگىزۋشى وقيعا ورنىنان بىردەن ءىز سۋىتقان. قازىر جەدەل-ىزدەستىرۋ شارالارى جۇرگىزىلىپ جاتىر، - دەلىنگەن اقپاراتتا.
پوليتسەيلەر جۇرگىزۋشىنىڭ كىم ەكەنىن انىقتاۋ جانە كولىكتى ىزدەستىرۋ ءۇشىن ءتيىستى شارالاردى قولعا العان. وسى رەتتە، ولار وقيعا كۋاگەرلەرى بولسا 102 ارناسىنا حابارلاسۋلارىن سۇرايدى.
ەسكە سالساق، وسىعان دەيىن رۋدنىيدا جول اپاتىنان سوڭ، اۆتوبۋس جۇرگىزۋشىسى ءوز-وزىنە قول جۇمساعانى حابارلانعان.
