وسكەمەندە كوشەدە يەسىز ءيتتى ساباعان ادام 30 كۇنگە قامالۋى مۇمكىن
وسكەمەن قالاسىندا كوشەدە ءيتتى ساباعان ەر ادام 30 كۇنگە قامالۋى مۇمكىن، دەپ حابارلايدى Kazinform.

وقيعا قالاداعى باجوۆ كوشەسىندە بولعان. دۇكەن ماڭىندا ەر ادام ءيتتى ساباپ جاتتى.
مۇنى پوليتسيا قىزمەتكەرلەرى بايقاپ قالىپ، ونى دەرەۋ توقتاتقان.
قالا تۇرعىنى ءيتتىڭ بالاسىن قاۋىپ الا جازداعاندىقتان وسىنداي ارەكەتكە بارعانىن ءتۇسىندىردى.
«اتالعان فاكتى بويىنشا ەر ادامعا قاتىستى ق ر قىلمىستىق كودەكسىنىڭ 316-بابىنا (جانۋارلارعا قاتىگەزدىك كورسەتۋ) سايكەس سوتقا دەيىنگى تەرگەۋ امالدارى ءجۇرىپ جاتىر. تەرگەۋدى وسكەمەن قالاسىنىڭ پروكۋراتۋراسى ءوز باقىلاۋىنا الدى. كىنالى ادام زاڭ شەڭبەرىندە جاۋاپقا تارتىلادى»، - دەپ حابارلادى قالالىق پروكۋراتۋرادان.
وسى باپ بويىنشا 120 ا ە ك (414000 تەڭگە) كولەمىندە ايىپپۇل سالىنىپ، سول مەرزىمگە قوعامدىق جۇمىسقا تارتىلۋ نەمەسە 30 تاۋلىككە دەيىن قاماۋ جازاسى قاراستىرىلعان.