وسكەمەندە حالىقارالىق ىزدەۋدە جۇرگەن شەتەلدىك ۇستالدى
وسكەمەن. KAZINFORM - وسكەمەن قالاسىندا الاياقتىق جاساعانى ءۇشىن حالىقارالىق ىزدەۋدە جۇرگەن شەتەلدىك ۇستالدى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ەكسترەميزمگە قارسى ءىس-قيمىل باسقارماسىنىڭ قىزمەتكەرلەرى جەدەل ىزدەستىرۋ ءىس-شارالارىن جۇرگىزگەن.
- سونىڭ ناتيجەسىندە وسكەمەن قالاسىنداعى قوناق ۇيلەردىڭ بىرىندە شەتەل ازاماتى ۇستالدى. ول 2025-جىلدىڭ 1-اقپانىنان باستاپ اسا ءىرى مولشەردە الاياقتىق جاسادى دەگەن كۇدىكپەن مەملەكەتارالىق ىزدەۋدە جۇرگەن، - دەلىنگەن اقپاراتتا.
قازىرگى ۋاقىتتا ەر ادام ۋاقىتشا ۇستاۋ يزولياتورىنا قاماۋعا الىندى. سونىمەن قاتار ونى ىزدەستىرۋدى باستاعان ەلگە ەكستراديتسيالاۋدى ۇيىمداستىرۋ جۇمىستارى جۇرگىزىلۋدە.
ەسكە سالساق، وسىعان دەيىن پوليتسيا باتىس قازاقستانداعى جارىلىسقا قاتىستى تۇسىنىك بەرگەنى حابارلانعان.
