وسكەمەندە ءدامحانا الدىندا «مۇردە» ءىلىنىپ تۇر

وسكەمەن. KAZINFORM - وسكەمەن قالاسىنداعى ءدامحانا الدىنا مۇردە كەيپىندەگى مۋلياجدى ءىلىپ قويعان كاسىپكەرگە ايىپپۇل سالىندى.

الەۋمەتتىك جەلىدە وسكەمەن قالاسىنداعى ءدامحانالاردىڭ ءبىرىنىڭ الدىندا مۇردە كەيپىندەگى مۋلياج ءىلىنىپ تۇرعان فوتوسۋرەت تاراپ كەتتى. بەلگىلى بولعانداي، ونى ءدامحانا يەسى حەللوۋين الدىندا ادەيى ءىلىپ قويعان.

ءبىراق بۇل زاڭعا قايشى بولعاندىقتان پوليتسەيلەر كاسىپكەرگە ايىپپۇل سالدى.

«قالالار مەن ەلدى مەكەندەردىڭ اۋماقتارىن اباتتاندىرۋ ەرەجەلەرىن بۇزعانى ءۇشىن 29 جاستاعى ازامات اكىمشىلىك جاۋاپكەرشىلىككە تارتىلدى. ەندى ول 30 ا ە ك (110 760 تەڭگە) كولەمىندە ايىپپۇل تولەيدى»، - دەپ حابارلايدى ش ق و پوليتسيا دەپارتامەنتىنىڭ باسپا ءسوز قىزمەتىنەن.

ەسكە سالساق، وسىعان دەيىن ش ق و-دا زاڭسىز جۇمىس ىستەپ جۇرگەن 12 قىتاي ازاماتى ەلدەن شىعارىلعانى حابارلانعان.

اۆتور
تالعاتجان مۇحامەتبەك ۇلى