07:53, 06 - اقپان 2024 | GMT +6
وسكەمەندە التى بىردەي كولىك سوقتىعىسىپ، 5 ادام زارداپ شەكتى
وسكەمەن. KAZINFORM - وسكەمەن قالاسىنداعى ورتالىق كوشەلەردىڭ بىرىندە التى كولىك سوقتىعىسىپ، 5 ادام، ونىڭ ىشىندە 1 بالا زارداپ شەكتى.
جول اپاتى قالاداعى اۋەزوۆ داڭعىلىندا بولعان.
«Ssanq Yong اۆتوكولىگىنىڭ 23 جاستاعى جۇرگىزۋشىسى م. گوركي كوشەسىنەن اۋەزوۆ داڭعىلىنا شىعىپ كەلە جاتقاندا Mitsubishi كولىگىمەن سوقتىعىسقان. سول سوققىدان كەيىن جول-كولىك وقيعاسىنا ەكى گاز، Lexus جانە Lada Granta كولىكتەرى دە تاپ بولدى. Ssanq Yong جۇرگىزۋشىسى اكىمشىلىك جاۋاپكەرشىلىككە تارتىلدى»، - دەلىنگەن ش ق و پوليتسيا دەپارتامەنتىنىڭ باسپا ءسوز قىزمەتى تاراتقان اقپاراتتا.
وبلىستىق دەنساۋلىق ساقتاۋ باسقارماسىنىڭ مالىمەتىنشە، 5 ادامعا، ونىڭ ىشىندە ءبىر بالاعا مەديتسينالىق كومەك قاجەت بولدى. ابىروي بولعاندا، اۋىر جاراقات العان ەشكىم جوق.
اۆتور
تالعاتجان مۇحامەتبەك ۇلى
