وسكەمەندە 5 كولىك جانىپ كەتە جازدادى

وسكەمەن. KAZINFORM - وسكەمەن قالاسىندا قۇتقارۋشىلار ءورت شىققان گاراج بوكسىنان 5 كولىكتى شىعارىپ ۇلگەردى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وقيعا 24-قاراشا كۇنى تاڭەرتەڭ استافيەۆ كوشەسىندە بولعان.

«كوشە بويىنداعى گاراج بوكسىندا ءورت شىققان. وقيعا ورنىنا ءورت سوندىرۋشىلەر شۇعىل كەلىپ جەتتى. ولار وت شارپىعان اۋماقتان 5 اۆتوكولىك پەن ءبىر گاز باللونىن شىعارىپ ۇلگەردى»، - دەپ حابارلادى ۆەدومستۆو وكىلدەرى.

كوپ ۇزاماي جالپى اۋدانى 30 شارشى مەتردى قۇراعان ءتىلسىز جاۋ تولىقتاي اۋىزدىقتالدى. زارداپ شەككەن ەشكىم جوق.

ءورتتىڭ شىعۋ سەبەبى - پەشتى ورناتۋ جانە پايدالانۋ كەزىندە قاۋىپسىزدىك ەرەجەلەرىن بۇزۋ.

ەسكە سالساق، وسىعان دەيىن س ق و-دا جىلىتۋ ماۋسىمى باستالعالى ورتتەن 8 ادام مەرت بولعانى حابارلانعان.

اۆتور
تالعاتجان مۇحامەتبەك ۇلى