07:55, 30 - قازان 2023 | GMT +5
وسكەمەن تۇرعىنى ءوزىن ۆاتساپتا قورلاعان تانىسىن سوتقا بەردى
وسكەمەن قالاسىنىڭ تۇرعىنىن WhatsApp جەلىسىندە قورلاعان ادامعا 5 مىڭ تەڭگە مولشەرىندە ايىپپۇل سالىندى، دەپ حابارلايدى Kazinform.
وسكەمەن قالالىق سوتى باسپا ءسوز قىزمەتىنىڭ مالىمەتىنە سۇيەنسەك، ايەل ادام WhatsApp جەلىسىندەگى توپتا ءوزىن تانىسىنىڭ قورلاعانىن ايتىپ، سوتقا شاعىم تۇسىرگەن.
بەلگىلى بولعانداي، وعان: «سەن، ۇرلىقشى، اۋزىڭدى جاپ. ءومىر بويى ۇرلاپ كەلەسىڭ، ەندى بىردەڭە دەگىڭ كەلە مە؟» دەگەن حابارلاما جىبەرگەن. بۇل حابارلامانى توپتىڭ 93 مۇشەسى وقىعان.
«سوت ءىستى قارادى. تالاپكەر سۋديادان جاۋاپكەردى ار-نامىسى مەن قادىر-قاسيەتىنە نۇقسان كەلتىرەتىن اقپاراتتى تەرىسكە شىعارۋعا مىندەتتەۋدى سۇرادى. سوت ونىڭ بۇل تالابىن قاناعاتتاندىردى. سونداي-اق جاۋاپكەرگە 5 مىڭ تەڭگە مولشەرىندە ايىپپۇل سالىندى»، - دەلىنگەن اقپاراتتا.
