وسكەمەن كوللەدجىندە ستۋدەنتتەر جاپپاي ۋلانىپ، قىلمىستىق ءىس قوزعالدى
وسكەمەن قالاسىنداعى كوللەدجدەردىڭ بىرىندەگى اسحانادا ستۋدەنتتەر ۋلانىپ قالدى، دەپ حابارلايدى kazinform.

قالاداعى كوللەدجدەردىڭ بىرىندەگى اسحانادان تاماق ىشكەن 10 بالا ۋلانىپ قالعان. قازىرگى ۋاقىتتا ءبىلىم ورداسىنىڭ ستۋدەنتتەرى 2 كۇنگە قاشىقتان وقىتۋعا جىبەرىلىپ، اتالعان فاكتى بويىنشا پوليتسيا قىزمەتكەرلەرى قىلمىستىق ءىس قوزعادى.
«11-قازاندا قالالىق پوليتسيا باسقارماسى ءۇلبى پوليتسيا ءبولىمىنىڭ قىزمەتكەرلەرى ق ر قىلمىستىق كودەكسىنىڭ 304-بابى 1-بولىگىنە (سانيتارلىق ەرەجەلەردى نەمەسە گيگيەنالىق نورمالاردى بۇزۋ) سايكەس سوتقا دەيىنگى تەرگەۋ امالدارىن باستادى. ءتيىستى ساراپتامالار مەن زەرتحانالىق زەرتتەۋلەر تاعايىندالدى. سونىڭ قورىتىندىسى بويىنشا ءتيىستى شەشىم قابىلدانادى»، - دەيدى ش ق و پوليتسيا دەپارتامەنتىنىڭ باسپا ءسوز حاتشىسى تاتيانا كارپوۆا.
وسى رەتتە، ش ق و ءبىلىم باسقارماسى دا وقيعانىڭ سەبەبى انىقتالىپ جاتقانىن ءمالىم ەتتى.