وسكەمەن - الماتى پويىزىندا ەر ادام قايتىس بولدى

استانا. قازاقپارات - 1-تامىز كۇنى وسكەمەن- الماتى پويىزىندا 74 جاستاعى جولاۋشى ايەلى مەن نەمەرەسىنىڭ كوز الدىندا قايتىس بولدى. تراگەديا تۋرالى وسكەمەن پابليكتەرىنىڭ بىرىندە كۋاگەرلەر بەينەجازباسىنان بەلگىلى بولدى.

ۆيدەو اۆتورىنىڭ ايتۋىنشا، ەر ادام قاتتى ىستىقتان جانە تازا اۋانىڭ بولماۋىنان ءوزىن ناشار سەزىنگەن. جۇبايى ونى تامبۋرعا الىپ شىققان، وندا ەر ادام قۇلاپ، قايتىس بولعان.

ق ت ج ەر ادامنىڭ قايتىس بولعانى تۋرالى اقپاراتتى راستادى جانە 2024 -جىلعى 1-تامىزدا سارىوزەك ستانتسياسىندا №351 «وسكەمەن - الماتى» پويىزىنىڭ باسشىسى دەنساۋلىق جاعدايىنىڭ كۇرت ناشارلاۋىنا بايلانىستى 74 جاستاعى جولاۋشىعا جەدەل جاردەم شاقىرعانىن حابارلادى.

«جولاۋشى جۇبايىنىڭ سۇيەمەلدەۋىمەن جالعىزتوبە ستانسياسىنان الماتىعا بارا جاتقان. ايەلىنىڭ ايتۋىنشا، ەر ادام دەمىكپەمەن اۋىرعان جانە شۋنتتاۋ پروتسەدۋراسىن جاساتقان. پويىز جولسەرىكتەرى جولاۋشىلارمەن جانە مەديتسينا قىزمەتكەرلەرىمەن بىرگە العاشقى مەديتسينالىق كومەك كورسەتۋ ءۇشىن بارلىق مۇمكىن شارالاردى جاساعان. وكىنىشكە قاراي، جەدەل جاردەم بريگاداسى جولاۋشىنىڭ قايتىس بولعانىن ايتتى. پويىزبەن ءجۇرۋ كەزىندە جولاۋشى جولسەرىككە جۇگىنبەگەن جانە دەنساۋلىعىنىڭ ناشارلاۋىنا شاعىمدانباعان. ۇلتتىق تاسىمالداۋشى كومپانيا جولاۋشىنىڭ وتباسىنا شىن جۇرەكتەن كوڭىل ايتادى»، - دەپ حابارلادى ق ت ج باسپا ءسوز قىزمەتى.

اۆتور
ايجان سەرىكجان قىزى