ورتالىق قىتايداعى مەكتەپ جاتاقحاناسىنداعى ورتتەن 13 ادام قازا بولدى

چەنجوۋ. KAZINFORM - ورتالىق قىتايدىڭ حەنان پروۆينتسياسىندا ورنالاسقان نانيان قالاسى فەنچان ۋەزىندە جۇما كۇنى تۇندە بولعان ورتتەن 13 ادامنىڭ مەرت بولعانى راستالدى، دەپ ءمالىم ەتتى جەرگىلىكتى بيلىك وكىلدەرى.

بۇل تۋرالى قىتايدىڭ شينحۋا اگەنتتىگى حابارلادى.

اگەنتتىكتىڭ مالىمەتىنشە، جۇما كۇنى ساعات 23:00 كەزىندە ورتپەن كۇرەس قىزمەتىنە يانشانپۋ اۋىلىنداعى ينتساي مەكتەبىنىڭ جاتاقحاناسىنان ءورت شىققانى تۋرالى حابار تۇسكەن. قۇتقارۋشىلار بىردەن وقيعا ورنىنا جەتىپ، ءورت 23:38 دە ءسوندىرىلدى.

ءبىر ادام جاراقات الىپ، قازىرگى تاڭدا اۋرۋحانادا ەم الىپ جاتىر، جاعدايى تۇراقتى. وسى ۋاقىتتا ءورتتىڭ سەبەپ-سالدارىن انىقتاۋ جۇمىستارى ءجۇرىپ جاتىر.