20:58, 29 - قاڭتار 2024 | GMT +6
ورتالىق ازيانىڭ ەڭ قىمبات قالالارى انىقتالدى
استانا. KAZINFORM بيىلعى جىلدىڭ العاشقى ايىنداعى دەرەكتەر بويىنشا Numbeo رەيتينگىسىندە الماتى ورتالىق ازياداعى «ەڭ قىمبات قالا» مارتەبەسىن يەلەندى.
Numbeo رەيتينگىسى 2009-جىلدان بەرى جۇرگىزىلىپ كەلەدى. رەيتينگتەر جالعا بەرىلەتىن تۇرعىن ءۇي باعاسى، ازىق-تۇلىك، قوعامدىق تاماقتاندىرۋ باعاسى جانە باسقا دا فاكتورلاردى ەسكەرە وتىرىپ، پايدالانۋشىلاردىڭ پىكىرلەرى نەگىزىندە قالىپتاسادى.
2024-جىلدىڭ قاڭتار ايى بويىنشا الماتى ورتالىق ازيا قالالارىنىڭ اراسىندا كوش باستاپ تۇر. رەيتينگتە استانا ەكىنشى، ال تاشكەنت پەن بىشكەك ءۇشىنشى جانە ءتورتىنشى ورىندارعا جايعاسقان.
ال جالپى ازيانى الاتىن بولساق، قازاقستاننىڭ قالالارى تەك بەسىنشى وندىققا كىرەدى. ەڭ قىمبات قالا - سينگاپۋر.
