ورتالىق ازياداعى ەڭ قۋاتتى اسكەر قاي ەلگە تيەسىلى
الەم ەلدەرىنىڭ اسكەري الەۋەتىن باعامدايتىن Global Firepower (GFP) رەيتينگى بيىل 145 ەلدىڭ ىشىندە قاي مەملەكەتتەردىڭ ارمياسى نىعايعانىن انىقتادى. قازاقستان بۇل كورسەتكىشتە 5 ساتىعا كوتەرىلگەن، دەپ جازادى.
Global Firepower رەيتينگ رەتتىلىگىن بەلگىلەۋدە ەلدىڭ اسكەر سانى، اسكەري تەحنيكاسى، ەكونوميكالىق تۇراقتىلىعى، رەسۋرستارعا قولجەتىمدىلىگى مەن ستراتەگيالىق گەوگرافيالىق ورنالاسۋى سياقتى 60 تان اسا كورسەتكىشتەرگە كوڭىل بولگەن.
2024-جىلعى Global Firepower كوشىن ا ق ش ارمياسى باستاعان. ا ق ش اسكەرىنىڭ قۇراماسىندا 92 ەسكادرالىق ميناتاسۋشى، 11 اۆياتاسىمالداعىش بار. ال جالپى بيۋدجەتى 886 ميلليارد دوللاردى قۇراعان.
ەكىنشى ورىنعا رەسەي فەدەراتسياسى تۇراقتاسى، اسكەر قۋاتى تۇرعىسىنان ۇشتىكتى قىتاي حالىق رەسپۋبليكاسى تۇيىندەگەن.
ءتورتىنشى ورىنعا ارنايى باعدارلاما اياسىندا اسكەري تەحنيكالارىن جاڭعىرتقان ءۇندىستان جايعاسقان. ۇزدىك بەستىككە دامىعان اسكەري-تەڭىز فلوتى مەن زاماناۋي اۆياتسياسى قاۋقارلى وڭتۇستىك كورەيا ىلىككەن.
ال قازاقستان جالپى كورسەتكىش بويىنشا 58-ورىنعا تابان تىرەگەن. بۇل بىلتىرعى رەيتينگتەن 5 ساتىعا جوعارى. رەيتينگتە جوعارى كوتەرىلۋىمىزگە قارۋلى كۇشتەرىمىز قاتارىندا دۇركىندەتىپ اتاتىن رەاكتيۆتى جۇيەلەر (دارج) مەن وزدىگىنەن جۇرەتىن ارتيللەريانى كوبەيتىپ، اسكەري تەحنيكامىزدى بەلسەندى تۇردە جاڭعىرتىپ جاتقانىمىز سەبەپ بولعان. وسىنداي جەتىستىكتەرىمەن مەملەكەتىمىز ورتالىق ازيادا ارمياسى ەڭ مىقتى ەل رەتىندە تانىلدى. ورتالىق ازيادا بىزدەن كەيىنگى ەكىنشى ورىندا وزبەكستاننىڭ قارۋلى كۇشتەرى تۇر، جالپى ساتىدان وڭتۇستىكتەگى كورشىمىز 65 ورىننان كورىنگەن.
تۇرىكمەنستان حالىقارالىق اسكەري اليانستاردان وقشاۋلانعان مەملەكەت بولعاندىقتان، اتالعان رەيتينگتە 145 ەلدىڭ ىشىنەن 86-ورىن يەلەنگەن. ورتالىق ازيانىڭ ەكونوميكالىق دامۋ تۇرعىسىنان سوڭعى 4-جانە 5-ورىنداردا تۇرعان قىرعىزستان مەن تاجىكستان GFP رەيتينگىندە سايكەسىنشە 94-جانە 107-ورىندا تۇر.
قازىرگى تاڭدا اسكەري قاقتىعىس ءجۇرىپ جاتقان ۋكراينا اسكەرى رەيتينگتە نەشىنشى ورىندا ەكەنىن گازەتىمىزدىڭ بۇگىنگى سانىندا جاريالانعان ەسكىندىر زۇلقارنايدىڭ «اسكەري الەۋەت: بەس ساتىعا جوعارىلادى» ماقالاسىنان بىلە الاسىز.
دانا مىرزاقادىر
Egemen.kz
